O bavaro central oriental (en austro-bavaro Ostmittlboarisch, en bavaro central oriental Ostmiddlboarisch, en alemán Ostmittelbairisch) u, a vegadas simplament austriaco, ye un subdialecto d'o dialecto central d'o idioma austro-bavaro. Se charra en Viena (concretament o subdialecto vienés), en l'Alta y a Baixa Austria, en o norte de Burgenland, en l'Alta Estiria y en a ciudat de Salzburgo.
O centro d'o dialecto bavaro central oriental ye a ciudat de Viena. A influyencia d'o vienés se puet veyer en toda l'Austria de parla bavara, incluyindo as zonas mas occidentals. D'atra man tamién bi ha chent en l'este d'Austria que emplega as parolas "oans" u "zwoa" en cuentas de "ans" y "zwa", mas propias d'o dialecto central oriental. Asinas pues fixar una muga entre o baveran central occidental y l'oriental en Austria ye imposible de tot, encara que en os estremos os dos subdialectos conservan millor as suyas diferencias. Asinas por eixemplo en as parlas de Viena no bi ha en a practica elementos occidentals, fueras d'esprisions fosilizadas (por eixemplo en a canción popular Haisal am Roa por Häuserl am Roan) y en l'Alta Austria Occidental y o Estau de Salzburgo nomás se troban chicoz repuis de bavaro oriental.
Eixemplo En a siguient tabla podemos veyer o dialecto bavaro central oriental contimparau con o bavaro central occidental y con l'alemán.
Isoglosa Variant occidental Variant oriental Alemán estándard Aragonés ui vs. üü (< alto alemán ant. il):vuivüüvielmuito Schbui, schbuinSchbüü, schbüünSpiel, spielenchugar i wui, mia woini wüü, mia wöön/woinich will, wir wollenquiero, queremos å vs. oa (< alto alemán ant. ar):i få, mia fåmai foa, mia foanich fahre, wir fahrenadugo, adugamos håt, heatahoat, heatahart, härterduro, durismo Gfå, gfâliGfoa, gfealiGefahr, gefährlichperiglo, perigloso o vs. à (< alto alemán ant. au):i kàf, mia kàffa(n)i kòf, mia kòffa(n)ich kaufe, wir kaufenmerco, mercamos Sin de regle i kimm, mia kemma(n)i kumm, mia kumma(n)ich komme, wir kommenviengo, venimos
Bibliografía Der Vokalismus im Ostmittelbairischen, Hartmut Traunmüller
Vinclos externos Remaraweng Boarisch: Der bairische Sprachraum
Central oriental