Los adverbios en anglés pueden describir una acción, modificar adchectivos u atros adverbios Clive Oxenden, Christina Latham-Koenig: New English File. Upper-intermediate Student's Book. Oxford University Press. p 134.. Cuan una frase fa paper d'adverbio ye una locución adverbial. Bi ha diferents grupos d'adverbios en anglés: de manera, de frecuencia, de tiempo, de grau, de comentario y conchuntivos.
Adverbios de manera
La terminación anglesa -ly se fa servir pa creyar adverbios de manera a partir d'adchectivos T.F Hoad: The concise Oxford dictionary of english etimology. Oxford University Press, p 274., equivalendo semanticament a la terminación -ment de los adverbios de manera en aragonés, con formas iguals u pareixidas en atras luengas romances. Manimenos esta terminación ye un sufixo d'orichen chermanico con cognatos en diferents luengas chermanicas pero orichinau a partir de la forma norrena -liga, y no de la forma anglo-saxona -lice.
Los adverbios remataus en -ly no siempre presentan lo significau que cabría esperar en cualques luengas romances, i habendo pareixius que no corresponden a los suyos significaus (false friends): Actually significa "de feito", "en realidat", "en efecto", "realment", y no significa "actualment" como podría pareixer. Eventually significa "a la fin", "finalment", y no significa "eventualment" como podría pareixer.
Bi ha uns casos en los que los adverbios no solo no presentan los significaus que cabría esperar en luengas romances, y mesmo son diferents prou diferents de los adverbios irregulars que presentan lo mesmo orichen. Los adverbios fast, hard y late presentan una forma identica a la de los adchectivos con los que se relacionan, y los dos zaguers se relacionan con formas rematadas en -ly como hardly y lately, semanticament muito diferents. Lately significa "fa pocos días", "recientment" Raymond Murphy: English Grammar In Use. Cambridge University Press. 13º edición, 1991, pp 191-192.. Hardly significa "cuasi no", "dificilment".
A vegadas trobamos diferencias semanticas prou sutils entre adverbios remataus en -ly, como entre especially y specially: Especially significa "sobre tot", "particularment":
Specially gosa acompanyar a participios y indica proposito u fin:
Bi ha adverbios relacionaus con adchectivos que presentan irregularidaz por derivar de parolas chermanicas u indoeuropeas antigas, por eixemplo l'adverbio well corresponde a l'adchectivo good.
Por un regular los adverbios de manera van dezaga de lo verbo u frase, manimenos en la voz pasiva los adverbios de manera van por un regular entre lo verbo auxiliar y lo verbo principal:
Manimenos los adverbios se colocan debant de l'adchectivo u d'atro adverbio que complementan:
Los adverbios negativos (hardly, rarely, scarcely, seldom) son compatibles con inversions de subchecto y verbo pa dar enfasi Clive Oxenden, Christina Latham-Koenig: New English File. Advanced Student's Book. Oxford University Press. p 143.:
Adverbios de frecuencia
Son adverbios de frecuencia en anglés: Never: nunca. Sometimes: a vegadas. Often: a sobén/a ormino. Usually: por un regular. Normally: normalment. Always: siempre.
Los adverbios de frecuencia van dezaga de lo verbo to be, pero con los atros verbos se presenta debant de las formas simples y dezaga de l'auxiliar en las formas composadas, ye dicir, debant de lo verbo principal:
Los adverbios sometimes, usually y normally pueden ir a lo principio de la frase.
Referencias
Bibliografía Raymond Murphy: English Grammar In Use. Cambridge University Press. 13º edición, 1991. Clive Oxenden, Christina Latham-Koenig: New English File. Upper-intermediate Student's Book. Oxford University Press. T.F Hoad: The concise Oxford dictionary of english etimology. Oxford University Press.
Se veiga tamién Adverbios en francés.
Categoría:Morfolochía de l'anglés