Lo río Mezquín ye un afluent de lo río Guadalop por la suya marguin dreita que se reculle en Castelserás. Naixe por la unión d'uns barrancos que baixan enta Belmont dende una zona de contacto entre materials mesozoicos de la Serra dels Puntals (continación enta l'este de la Sierra de la Chinebrosa), y materials cenozoicos de lo semontano iberico.
Traviesa en dirección sud-este-nord-ueste lo termin municipal de Belmont y fa de muga entre los termins de La Torre de Viliella y La Codonyera primero, y entre Castelserás y Torrociella d'Alcanyiz dimpués.
Part de la ribera y lo cauz d'este río fan part de lo Puesto d'Intrés Comunitario Río Mezquín y Oscuros Eduardo Viñuales Cobos, Fernando Zorrilla Alcaine: Red Natural de Aragón. Bajo Aragón nº 15. Prames, 2007, pp 34-35, pp 98-99., a on que bi ha una foz dita Barranc Fondo escarvada en conglomeraus cenozoicos.
En lo cabalto de la suya compleganza se charra catalán (parlas de lo Guadalop-Mezquín), en lo cabaixo se charra lo castellano rechional d'Aragón, con un important substrato lingüistico aragonés QUINTANA i FONT, Artur et al. (2004), El Aragonés residual del bajo valle del Mezquín (2ª Ed.); Ayuntamiento de Torrecilla de Alcañiz. Torrociella d'Alcanyiz. y adstrato catalán.
Toponimia Lo hidronimo Mezquín se documenta en textos baixomedievals escritos en latín, por eixemplo en un texto de lo 29 de chinero de 1243 en lo que lo comandador calatravo d'Alcanyiz feba una concordia con la ilesia alcanyizana sobre decimas y termins Jaime Caruana Gómez de Barreda La Orden de Calatrava en Alcañiz Revista Teruel, chulio-aviento de 1952, nº 8. p 158:
S'interpreta a partir de l'algarabía Miskîn Agustín Ventura Conejero: Toponimia de la provincia de Teruel. Revista Teruel, 48, 1972, p 240..
Referencias
Bibliografía Eduardo Viñuales Cobos, Fernando Zorrilla Alcaine: Red Natural de Aragón. Bajo Aragón nº 15. Prames, 2007.
Mezquín Mezquín Mezquin