Un sistema d'asistencia sanitaria, sistema sanitario u sistema de salut ye una organización y o metodo por o cual se provedeix l'asistencia sanitaria.
Os sistemas sanitarios son producto d'a historia y d'a cultura d'as sociedaz en que se desembolican, y expresan as valors predominants en as mesmas. Istos sistemas s'adedican a la prestación de servicios sanitarios, mas que mas a la prevención y a o cudiau clinico
Definicions Os sistemas sanitarios son “as organizacions que ufren servicios sanitarios (hespitals, centros de salut, funcionarios profesionals y servicios de salut publica) asinas como atros rez, sectors, institucions, ministerios y organizacions que tiene una influencia definida en l'obchectivo zaguero d'o sistema – a salut. Importants a iste respecto son a educación, o transporte, os servicios socials, a vivienda, a industria alimentaria, etc.”
Se pueden definir os sistemas sanitarios como “todas as organizacions, institucions y recursos publicos y privaus con o mandato d'amillorar (promover, restaurar u mantener) a salut en o marco politico y institucional de cada país; incluye servicios personals y poblacionals asinas como accions ta influyenciar a atros sectors, pero no as accions d'ixos actors como tals.”
Tipos O sistema d'asistencia sanitaria puede estar: Asistencia sanitaria publica Asistencia sanitaria privada
Caracteristicas En a practica, istos sistemas varian amplament d'un país a unatro. A comparanza de sistemas ye o enfoque d'a politica y investigación actual de l'asistencia sanitaria, pero cheneralment os sistemas nomás son comparaus por a traza en que son financiaus y manullaus.
Pueden estar financiaus y/u manullaus por o sector publico, por o sector privau, en forma mixta u por entidaz sin fins de lucro.
Un sistema sanitario ye integrau por diversos sub-sistemas: o d'administración de recursos humans, o financiero, o estructural, o politico; an que intervienen causas demograficas, socioeconomicas, cientificas y eticas. Se busca que toz os sistemas d'asistencia sanitaria u de atención de salut metan en practica os prencipios d'universalidat, accesibilidat, solidaridat, etica, eficacia y eficiencia.
L'atención primaria aduya a aprevenir a malotía y a muerte. En contraste con l'asistencia especializada, a primaria s'asocia con una distribución mas equitativa d'a salut en as poblacions d'o mesmo u de distinto país. Os sistemas nacionals d'atención d'a salut con una fuerte infrastructura de atención primaria tienen poblacions mas saludables, menos desigualdades relacionadas con a salut y menors costes chenerals ta o cudiau d'a salut.
Se veiga tamién Administración en salut Asistencia sanitaria Asistencia sanitaria universal Ficacio primario de salut Clasificación de derivacions farmaco-terapeuticas Clasificación internacional d'atención primaria Crisi sanitaria Economía d'a salut Epidemiolochía Chestión sanitaria Incheniería sanitaria Intelichencia sanitaria Medicina preventiva Salut Salut publica Salut laboral Sanidat Servicio Nacional de Salut Sistema Nacional de Salut en Espanya
Categoría:Salut