L'anglés irlandés u hiberno-anglés (en anglés Irish English u Hiberno‐English) ye o conchunto de dialectos de l'anglés que se charran en a Republica d'Irlanda y en Irlanda d'o Norte. Adintro de l'anglés irlandés bi ha unas cuantas subdivisions de parlas, como a parla d'Ulaidh meyo, a parla de Dublín y a parla de Corcaigh.
L'anglés fue traito a Irlanda con a invasión normanda de zaguers d'o sieglo XII. Primero se charraba sobre tot en una zona dita Pale, en a redolada de Dublín. En tiempos d'os Tudor a luenga y cultura gaelicas irlandesas recuperoron a mes gran part d'o terreno perdiu debant d'os colonizadors, mesmo en Pale.
Manimenos, a conquiesta y colonización anglesas d'Irlanda en o sieglo XVI suposoron que l'uso de l'anglés reviscolás. A mitat d'o sieglo XIX l'anglés ya yera a luenga mayoritaria en Irlanda, feito que contina actualment, y mesmo os parlants nativos d'o gaelico irlandés parlan d'una traza natural l'anglés.
L'anglés irlandés presenta influencias d'o gaelico irlandés, pero tamién conserva bels arcaísmos angleses. A mes gran part se fan servir mes en oralment que en o lenguache escrito, que ye mes cerca de l'anglés britanico estándard. A diferencia de l'anglés americano, l'anglés d'Irlanda no tien una ortografía propia y fa servir a britanica.
Irlandes Categoría:Luengas d'Irlanda