Iste articlo tracta sobre os peirons que son monumentos relichiosos. Ta atros usos d'a parola «peirón», se veiga Peirón (desambigación). 250px|thumb|dreita| Peirón d'as Almas en a dentrata de Codos. thumb|Peirón en Cillas (Guadalachara).
Un peirón Gerónimo Borao y Clemente: Diccionario de voces aragonesas, precedido de una introducción filológico-histórica, 1859, , p.283. ye una construcción en forma de columna de bels tres metros d'altaria feita de piedra picada u de tocho, dependendo d'as zonas, y con un cabalto a on que bi ha atras formas como cruces de fierro u esferas de piedra. Por un regular bi ha recholas policronadas con bel motivo relichioso (santo u virchen. Tamién bi ha eixemplars a on que bi ha estatuetas relichiosas adintro de concavidaz que fan de capiellas en cuenta de rechola u en atros casos una inscripción u res. Son muito comuns en as provincias de Guadalachara, Teruel y Zaragoza.
Etimolochía Bi ha diferents etimolochía proposadas, una d'as mes comuns lo interpreta a partir d'una forma hipotetica *PETRONE(M) Anchel Conte, Chorche Cortés, Antonio Martínez, Francho Nagore, Chesús Vázquez. El aragonés: identidad y problemática de una lengua. Librería General, 1982, pachina 60. en latín, parola formada a partir de PĔTRA ("piedra"), y d'o sufixo latín -O, -ŌNIS.
Joan Coromines considera que ye un celtismo con un significau orichinal pareixiu a "crucillada" Joan Coromines i Vigneaux: Diccionario crítico etimológico de la lengua castellana. Editorial Francke, 1954. y relacionau con os toponimos Padrón y Padornelo.
Elementos As parz d'un peirón son: Base: escalereta perimetral de dos u tres escalons de piedra. Columna: feita por un regular de piedra picada. Capiella: ixamplamiento u estretura d'a columna, a on que bi ha a vegadas representacions relichiosas. Cabalto: cruz de fierro u esfera de piedra.
Se troba peirons en os arredols d'os lugars chunto a camins y as suyas fins pueden estar: Avisar d'a proximidat d'o lugar. En temporadas de nieus sirven pa trobar os camins que confluyen en un lugar y que alavez son tapaus. Indicadors d'os termins municipals u os cabos d'as diferents propiedaz particulars. Sucherir que la chent que pasa por ixe camín rece por veyer temas relichiosos representaus.
Referencias
Se veiga tamién Cruz de suel. Mollón.
*