Muhammad ibn Abd al-Malik ibn Quzmán (en arabe, محمد بن عبد الملك بن قزمان), mas conoixiu simplament como Ibn Quzmán u Ibn Quzmán (ابن قزمان) y, por hispanización, Abén u Abán Quzmán, estió un famoso poeta andalusí, naixiu de Cordoba (Taifa de Cordoba) enta l'anyo 1078 y muerto en a mesma ciudat en 1160. Conoixiu por os suyos peculiars zachals escritos en arabe andalusí. Josef W. Meri: Medieval Islamic Civilization: An Encyclopedia, Routledge, 2005, p.365Gorton, T.J., "The Metre of IbnQuzman: a "Classical"Approach", Journal of Arabic Literature, 6 (1975), pp. 1-29
O esencial d'a suya obra se conserva en un unico codice, que fue discubierto en Sant Petersburgo en zagueras d'o sieglo XIX: o Cancionero u Diwan (antolochía poetica). Ista ye una obra orichinal tanto por a suya forma, o zachal, escrito en dialecto local, como por a suya tematica, en os quals a sobén reinterpreta somardament topicos d'a poesía arabe clasica. Cal decir que Ibn Quzmán conoixeba bien a poesía arabe clasica d'autors celebres como Abu Tammam, Al-Mutanabbi, Du r-Rumma, etc.
O Diwan Se piensa que Ibn Quzmán estió o primer gran escritor que emplegó lo zachal, inventau por o zaragozano Avempace, y li dió forma definitiva, escoscando-lo d'as imperfeccions que teneba. O suyo Diwan u Cancionero contiene 149 zachals. Adedicó buena parte de zachals a describir as suyas relacions con mesaches chóvens, as fiestas a que gosaba ir-ie u los balles y instrumentos musicals i emplegaus. Tamién fabla d'él mesmo y fa, como atros poetas, un elochio d'as personas que lo protechen.
Referencias
Categoría:Escritors en arabe Categoría:Muertos en Cordoba Categoría:Naixius de Cordoba Categoría:Poetas d'al-Andalus Categoría:Poetas d'o sieglo XI Categoría:1078 (naixencias) Categoría:1160 (muertes)