Antonio Posa Gonzalez naixito d'Exeya d'os Caballers, Cinco Villas, en 1933 ye un luitador de luita libre aragonés, que fue campión d'o mundo d'o peso meyo d'a National Wrestling Alliance (NWA) dende o 2 d'aviento de 1961 dica o 18 d'abril de 1962.
Encomenzó a suya afición d'a luita libre en a bodega Mariano Murillo en a carrera d'a Concordia d'Exeya, cuan uns amigos facioron un ring con cuatre barrils unitos con sogas. En ixe lugar entrenó con Pablo El Chan, y fue un puesto a on surtioron atros luitadors como Antonio Morlans, Félix y Emilio Lambán. Antonio Posa vuelve por Ejea. Dimpués d'aconseguir o campionato d'Aragón, fue a vivir a Barcelona a on estió 4 anyatas, dimpués recorrió o mundo encomenzando por Africa dica arribar a Sudamerica, a on en Mexico o 2 d'aviento de 1961 luitó contra Rene Guajardo conoixito como O Rei Moro ganando o combate y proclamato campión d'o mundo d'o peso meyo d'a National Wrestling Alliance (NWA). En o combate de revancha o 18 d'abril de 1962 Guajardo gana a Posa y principia un periodo de 10 anyatas como campión.
Bibliografía Herranz, Juan. Los luchadores de Ejea.
Referencias
Categoría:Luitadors d'Aragón Categoría:Luitadors de luita libre profesional Categoría:Naixius d'Exeya d'os Caballers Categoría:1933 (naixencias)