Perchta u Berchta (en aragonés Berta), tamién conoixida como Percht y atras variants, yera o nombre d'una antiga diosa pagana d'as rechions alpinas de l'aria lingüistica altochermanica superior. O suyo nombre significa "a mas brillant" (en alto alemán antigo beraht, bereht, d'o proto-chermanico *brehtaz) y ye probablement relacionau con o Berchtentag u fiesta d'a Epifanía. Eugen Mogk cita una etimolochía alternativa, atribuyendo l'orichen d'o nombre Perchta a o verbo alto alemán antigo pergan, que significa "amagau" u "cubierto".Mogk d'alcuerdo con Natko.
Por un regular s'identifica a Perchta como provenient d'un orichen común con a diosa Holda y atras feguras femeninas d'o folclore alemán (se veiga Frija-Frigg). D'alcuerdo con Jacob Grimm y Lotte Motz, Perchta ye a fegura equivalent a Holda en as rechions d'o sud, tenendo as dos o papel de "guardián d'as bestias" y apareixiendo mientres os Doce días de Nadal.Grimm, 1882.Motz d'alcuerdo con Hilton 1984. En as diferents representacions Perchta amaneixe prencipalment en dos formas; puet estar polida y blanca como a nieu como diz o suyo propio nombre u viella y fiera.
Grimm diz que Perchta u Berchta ye conoixida "chustament en aquellas rechions altochermanicas superiors a on Holda no'n ye, como en Suabia, en Alsacia, en Suiza, en Bavera y en Austria."Grimm, 1882:272.
D'alcuerdo con Erika Timm, Perchta surte d'una amalgama de tradicions chermanicas, pre-chermanicas y probablement celtas en as rechions alpinas dimpués d'as invasions barbaras en l'Alta Edat Meya.Timm d'alcuerdo con Natko.
Nombres de Perchta Perchta tien muitos nombres diferents pendendo d'a epoca y a rechión: Grimm lista en alto alemán antigo os nombres de Perahta y Berchte como os prencipals (en o títol d'o capítol correspondient), seguius por Berchta y Frau Berchta, asinas como as variants Behrta y Frau Perchta. En Baden, Suabia, Suiza y bellas rechions eslovenas, yera dita por un regular Frau Faste (a muller d'as temporas), Pehta u Kvaternica, en esloveno. En atros puestos yera conoixida como Posterli, Quatemberca u Fronfastenweiber.Ginzburg.
En o sud d'Austria, entre os eslovenos de Carintia, bi heba una forma masculina de Perchta conoixiu como Quantembermann, en alemán, u Kvaternik, en esloveno (l'hombre d'as cuatre temporas). Grimm pensaba que o suyo equivalent masculín ye Berchtold.Grimm 1882:279.
Se veiga tamién Befana. Berchtoldstag. Cazataire maldito. Krampus. Perchten.
Referencias
Categoría:Mitolochía alpina Categoría:Cultura de Bavera Categoría:Cultura d'Austria