As luengas anglo-frisonas son un grupo de luengas chermanicas occidentals que se dividen entre as luengas anglicas y as luengas frisonas.
As luengas anglo-frisonas se distinguen d'atras luengas chermanicas por cuantos cambios foneticos: a lei d'as nasals aspirants ingvaeonicas, a frontalización anglo-frisona, y a palatalization d'a : En anglés "queso" ye cheese y en frisón occidental tsiis, pero en neerlandés ye kaas, en baixo alemán Kees y en alemán Käse En anglés "ilesia" ye church y en frisón occidental tsjerke, pero en neerlandés ye kerk, en baixo alemán Kerk, Kark y en alemán Kirche
As primeras comunidatz de fablants d'as luengas anglo-frisonas y d'o saxón antigo viviban muit amanadas, formando una mesma aria lingüistica y compartindo asinas bellas caracteristicas que d'atra traza serían nomás tipicas d'as luengas anglo-frisonas.O lingüista alemán Friedrich Maurer refusa que as luengas anglo-frisonas sían una subdivisión historica d'as luengas chermanicas. Proposa que o chermanico d'a mar d'o Norte u ingvaeonico ye un ancestro común d'o frisón antigo, l'anglés antigo y o saxón antigo. Manimenos, atamas d'os suyos oríchens comuns, l'anglés y o frisón han diverchiu prou, mas que mas debiu a las muitas influyencias norrenas y francesas en l'anglés y a las tamién grans influyencias d'o neerlandés y o baixo alemán en o frisón. O resultau ye que actualment o frisón tien a-saber-los elementos en común con o neerlandés y os dialectos baixoalemans adchacents, fendo asinas de puent en o continuum dialectal chermanico occidental, mientres que l'anglés tien mayors influyencias norrenas y no chermanicas que a resta de luengas chermanicas continentals.
Árbol de familia As luengas anglo-frisonas se pueden clasificar como: Anglicas Anglés Anglico escocés Yola y fingalés (os dos extintos) Frisonas Frisón occidental Frisón oriental Frisón septentrional
Referencias
Se veiga tamién Luengas altochermanicas. Luengas baixofrancas.
*