Cerasus ((MILL.) FOCKE ex. ENGL. & PRANTL., 1888), que en latín significa literalment «ceresera», ye un subchenero d'árbols y arbustos dintro d'o chenero Prunus, en a familia d'as rosacias, descrito por primer vegada en 1754 por o naturalista escocés Philip Miller como chenero de pleno dreito, anque historicament isto ha estau muit controvertiu. O subchenero engloba las diferents especies que, en aragonés y popularment, se denominan cereserasCon a variant cerecera. u cireseras Rafel Vidaller Tricas: Nuestros árboles, Cuadernos altoaragoneses de trabajo 2, Instituto de Estudios Altoaragoneses, 1993, , p. 32Con as variants ciricera, cirecera, cirasera, cirerera y ciserera..
Actualment, y dende a propuesta de Focke de 1888 (basada en l'anterior Naturliche Pflanzfamilien d'Engler y Prantl), se considera un subchenero de Prunus despartiu en dos seccions: Cerasus y Laurocerasus, en as que dentran as suyas diferents especies.
As especies principals de Cerasus que se puede denominar como cereseras son Prunus cerasus y Prunus avium, dos especies muit pareixidas entre si y que habitan en Europa, pero l'abundancia d'especies que cumplen caracteristicas parellanas en o mundo puede fer que, eventualment, ixa denominación popular pueda aplicar-se a tot Cerasus.
Descripción As especies de Cerasus tienen as siguients caracteristicas morfolochicas en común:
As fuellas, deciduas, son pecioladas, de forma ovalada, ovato-oblongas u lancioladas, con a marguin dentada y as dients de midas irregulars, d'entre 1 y 4 mm de lonchitut. As fuellas son verdes en o anverso y leverament tomentosas en o reverso, especialment en os niervos.
As flors son blancas u rosadas, solitarias u agrupadas en racemos y nunca en corimbo. Son pentameras, como en todas as rosacias.
A crosta ye lisa, brillant, menos en os tanos (a on que se torna rugosa). Cuan ye seca puede desprender-se con aparienza de papel.
Notas
Referencias
Se veiga tamién Ceresa.
Vinclos externos
*