Os galicismos en aragonés s'introducioron en diferents periodos d'a historia y no toz son chenerals, n'i habendo beluns d'escala local Anchel Conte, Chorche Cortés, Antonio Martínez, Francho Nagore, Chesús Vázquez. El aragonés: identidad y problemática de una lengua. Librería General, 1982, pachina 76..

Galicismos a traviés d'a historia Galicismos en aragonés medieval thumb|right|200px|Una chaminera de Torla. A palabra chaminera ye un eixemplo de galicismo en aragonés , derivau de cheminée a traviés d'a forma medieval chamineya. Os primers galicismos entroron en l'aragonés en a baixa Edat Meya chunto con occitanismos, cuan os poetas franceses y occitans encomenzoron a estar presents en as corz peninsulars, como a d'Alifonso II d'Aragón Rafael Lapesa: Historia de la lengua española, Editorial Gredos, 2001. pp 198-199, p 271, pp 454-455.. O Camín de Sant Chaime tamién podió contribuir a la entrada de galicismos por a presencia de pelegrins que charraban luengas d'Oïl como o francés antigo.

Si en os sieglos XI y XII a influencia cultural y politica que plegaba dende l'atra versant d'os Pireneus yera a occitana, a "cruzada contra os albichenses" d'o sieglo XIII suposó en a mesma Occitania un desplazamiento d'os centros d'atracción cultural enta o norte de Francia. Dende o sieglo XIV o norte de Francia encomenzó a tener una influencia preponderant en a cultura artistica y literaria de zonas tan meridionals como Catalunya Pierre Bec: La langue occitane. Presses universitaires de France, 1973. Colection Que sais-je?. p 76..

A influencia francesa en a literatura medieval aragonesa se puet notar en as traduccions patrocinadas por Chuan Ferrández d'Heredia. O taller de traductors d'Avinyón ye en una zona occitanoparlant, pero traducen muitos textos dreitament dende o francés. Dimpués d'o periodo d'actividat d'o taller d'Avinyón continó l'aparición de traduccions dende o francés como o "Libro d'el Trasoro" de Brunetto Latini y o "Libro d'as Marabillas d'o Mundo" de Jean de Mandeville.

Encara en o sieglo XV entraban galicismos ligaus a las constumbres francesas en a vida sinyorial como o tipo de caballo coser.

Entre os galicismos de periodo medieval podemos incluir chaminera (d'o francés cheminée y documentada enta l'anyo 1.400 en aragonés como chamineya Germán Colón El español y el catalán, juntos y en contraste Editorial Ariel, 1989.), y chantre.

Bi habió galicismos en aragonés medieval que deixoron d'usar-se, como sage. En os documentos d'a Orden d'o Hespital se troba tamién sembleya.

Galicismos en aragonés moderno thumb|right|200px|Pocha d'uns pantalons Jeans, dos galicismos en aragonés moderno. Dende o sieglo XVIII a importancia politica y cultural que prenió Francia exportó galicismos a las luengas mugants en un periodo que l'aragonés ye poco documentau con textos escritos; o proceso continó en o sieglo XIX. Estió en este periodo cuan s'encomenzoron a documentar en as luengas peninsulars palabras d'orichen francés presents actualment en aragonés como as relativas a la vestimenta (chaqueta, pantalons), l'alochamiento (hotel), os muebles (sofá). Bi ha galicismos relacionaus con a vida politica (parlamento, debat Ángel Ballarín Cornel: Diccionario del Benasqués. Institución Fernando el Católico, Zaragoza, segunda edición 1978, p 110, p 439-441.), y con l'administración (burocracia).

En aragonés muitos galicismos se cheneralizoron con a suya adaptación a lo castellano por haber estau o castellano o suyo vehiclo de transmisión. Ye o caso de jefe (d'o francés chef), y de bajeBlas Gabarda, F. y Romanos Hernando, F.; El aragonés de Baixo Penyas. 2005, Gara d'Edizions. p 62. (d'o francés bagage).

Bi ha uns posibles galicismos con un contexto de distribución poco estudiau u conoixiu. A palabra estricallar presenta o infixo -all- present en o sufixo verbal francés -ailler y se relaciona etimolochicament con o francés antigo trique ("tocho", "garrot"), a la vegada una palabra d'orichen francico que se retroba en l'anglés strike, en o neerlandés striker y en l'alemán streichen. Chabier Lozano Sierra: Aspectos lingüisticos de Tella. Aragonés de Sobrarbe (Huesca), 2010. Gara d'Edizions, p 206. O verbo estricallar ye documentau dende Tardienta y a Val de Tena dica Ribagorza.

Galicismos locals thumb|200px|A palabra tricot ye un galicismo local en aragonés. Manimenos dreitament a traviés d'as vals pirenencas entroron galicismos diferents que por un regular nunca no plegoron a estar tan chenerals como pocha. En aragonés chistabín tenemos por eixemplo gudrón BLAS GABARDA, Fernando y ROMANOS HERNANDO, Fernando, Diccionario Aragonés: Chistabín-Castellano; Gara d'Edizions. Zaragoza, 2008. ISBN978-84-8094-061-0, p 126, p 321, p 334, p 381, p 432, p 461, p 447, p 557. (d'o francés goudron), ixena ("treballo comunitario en cadena", d'o francés chaîne < CATENA Jacqueline Picoche y Jean-Claude Rolland: Dictionnaire étymologique du français. Dictionnaires Le Robert, 2009. ISBN 2849024244, 9782849024249. p 84, p 354.), promenada, promenar-se, revel (d'o francés réveil, "despertador"), mostaixa (d'o francés moustache) y votura (d'o francés voiture, "auto" y a la vegada d'o latín VECTURA). En a Val de Tena se documenta tricot y bi ha verbos d'a conchugación francesa en -er adaptaus con a terminación -iar (fermiar, portiar Francho Nagore Laín: El aragonés de Panticosa. Colección de Estudios Altoaragoneses, nº 9. Instituto de Estudios Altoaragoneses, 1986.).

En l'aragonés d'a valle de Tella se documenta chambrol (d'o francés chambranle, rigola ("desaugue"), y sensa (d'o francés essence).

Campos lexicos d'os galicismos Vida sinyorial Coser.

Cristianismo Chantre. Deán: deriva de lo francés antigo deien, que proviene de lo latín DECANUS. Grancha: Francisco Saulo Rodríguez Lajusticia: Las sentencias arbitrales relacionadas con el regadío entre Magallón y la granja verolense de Mazalcoraz en los siglos XIV y XV estado de la cuestión y transcripción de su contenido. Publicau en Cuadernos de estudios borjanos, nº 58, 2015, pp. 169-204. deriva de lo francés grange, que proviene de lo latín GRANICA y significa "granero". Encara que no siga una palabra de lo campo semantico relichioso, s'introdució por l'actividat de la Orden de Sant Benedet, Juan Antonio Frago Gracia: Toponimia del Campo de Borja. Estudio lexicológico. Institución Fernando el Católico, pp. 110-111. important propietaria de tierras arredol de monesterios en la baixa Edat Meya aragonesa. Granchero: derivau de l'anterior con sufixo -ero u adaptau dende l'orichinal francés antigo grangier, tiene una documentación antiga de l'anyo 1200 en lo semontano de Moncayo cerca de lo Monesterio de Veruela (et el grangero cuanto sos paredes ençarran).

Banca y diners Bosar.

Relacions socials Convoyar: María Luisa Arnal Purroy: Diccionario del habla de la Baja Ribagorza Occidental Gara d'Edizions, 2003. p. 77. derivau de lo latín *CONVIARE a traviés de lo francés convoyer, Rafael Cano Aguilar: Historia de la lengua española. Ariel lingüística. Editorial Ariel. pp 481-483, pp 898-899. pero con unatro significau.

Vestimenta y estilismo Bufanda: talment relacionau con l'adchectivo francés bouffante u bouffant aplicau a prendas que pareixen infladas. Chaqueta. Choya: deriva de lo latín GAUDIA seguindo una lei fonetica propia de la mes gran part de las luengas d'oïl y de l'occitán septentrional. Dende lo petavín joi(e) u dende la zona de transición entre lo petavín y l'occitán lemosín entró como jòia en a luenga literaria occitana a traviés de la poesía trovadoresca. Heinrich Lausberg Lingüistica romanica. Tomo I fonetica Editorial Gredos. pp209-210 Asinas jòia ye un antigo galicismo en occitán. Fernández González, J.R.: Gramática histórica provenzal. Universidat d'Oviedo, 1985. pp 93-94. L'occitán la transmitió a las luengas ibero-romances como l'aragonés, y tamién a las italianas (gioia). Mostaixa. Pantalons. Pocha. Tricot: amprau de lo francés, ye lo postverbal de tricoter formau a partir de lo chermanismo trique u estrique ("tocho", "garrot"), que ye l'orichen de l'aragonés estricallar.

Casa, alochamiento, mobiliario utensilios Chambrol. Chaminera. Cofre. Javier Terrado Pablo: La lengua de Teruel a fines de la Edat Media. Instituto de Estudios Turolenses, 1991. p 470. Hotel. Revel. Tapit.

Gastronomía y enolochía Clarete. Proviene de lo francés claret, David A. Pharies: Diccionario Etimológico de Los Sufijos Españoles: Y de Otros Elementos Finales Volumen 25 de Biblioteca románica hispánica. Editorial Gredos, S.A., 2002 ISBN 8424923391, 9788424923396.pp 52-53, pp 199-200, pp 240-244, pp 454-455. pero a traviés de lo castellano, d'astí que tienga -e final de refirme y no presente la lochica terminación de lo sufixo -et. En Ribagorza se presenta con la lochica palatalización cllarete. VICENTE DE VERA, Eduardo: Textos en grausino (1904-1985). Zaragoza, Deputación Cheneral d'Aragón (col. «O pan de casa nuestra», 3), 1986. p 23.

Arquitectura, incheniería y mecanica Sensa. Gudrón. Ixena. Rigola. Votura.

Guerra, vida militar Batallón. Bayoneta. Carabina. Chabier Lozano Sierra, Ánchel Loís Saludas: Aspectos morfosintácticos del belsetán, 2005, Gara d'Edizions, p 158. Retreta. Sarchent / serchent: deriva de lo francés sergent, evolución de lo latín SERVIENTEM. Los sargentes d'armas Zabalza Aldave, María Itziar, Zabala Uriarte: Archivo General de Navarra (1322-1349) (Fuentes documentales medievales del Pais Vasco). Editor: Eusko Ikaskuntza (1997). son mencionaus en la baixa Edat Meya en lo Reino de Navarra y tamién lo treballo de sargentería. Tamién en las traduccions heredianas tamién se documenta con grafía medieval sargent. La palabra francesa orichinal s'adaptó en castellano como sargento, y apareixe como grau militar por primera vegada en los Sargentos Mayores de los Tercios Espanyols d'Infantería, y ye dende la terminolochía militar espanyola que ha plegau a l'aragonés actual con la suya pronunciación sarhento con j velar.

Politica Debat. Parlamento. Sembleya.

Atros Marrón: substituyó a pardo de fueras de bel emplego como las colors de los animals. Mástel: Historias contra los Paganos. deriva de lo francés antigo mast, documentau en la "Cronica d'Espaynna" de García d'Eugui y tamién usual en occitán. Pichón. Se remonta a lo latín tardano PĪPIŌNEM, substantivo relacionau con lo verbo d'orichen onomatopeyico PĪPIŌ (pio-pio). Si ye claro un orichen latino tardano, no ye clara la cadena de transmisión ta las luengas ibero-romances: bel autor lo considera galicismo, Elena Varela Merino: Los galicismos en el español de los siglos XVI y XVII. Editor: Editorial CSIC - CSIC Press, 2009. belatro italianismo. Maria Grazia Bucalo: Los italianismos en las "Novelas Ejemplares" de Miguel de Cervantes Saavedra. Cuadernos de filología italiana, nº. 5, 1998, pp 29-80. María Luisa Arnal Purroy: Orígenes de "ĉ" en Aragón y otras cuestiones conexas (a partir de los materiales del ALEANR) I. RILCE: Revista de filología hispánica, ISSN 0213-2370, Vol. 12, Nº 1, 1996, pp. 1-25. D'estar un galicismo derivaría de pigeon, que yera pijon en francés antigo y se remontaría a la disimilación *PĪBIŌNEM de la forma latina PĪPIŌNEM. Pigeon habría teniu la mesma adaptación fonetica que jaquette como chaqueta. Ruta. Ye l'adaptación de lo francés route, que deriva de lo latín RUPTA, igual como lo chistabín y benasqués rota ("senda que se fa en la nieu"), palabra tamién documentada en catalán.

Referencias

Bibliografía Anchel Conte et al: El aragonés: identidad y problemática de una lengua. Librería General, (1982). Rafael Lapesa: Historia de la lengua española. Editorial Gredos. (1981). Bernard Pottier: Los elementos gascones y languedocianos en el aragonés medieval (traducción de Pilar García Mouton), pp. 235–244. Archivo de Filología Aragonesa, 46-47 (1991). Javier Terrado Pablo: La lengua de Teruel a fines de la Edat Media. Instituto de Estudios Turolenses, 1991.