Bas de Bassès (en francés Bas-en-Basset) ye una comuna de Francia, situata en o departamento de l’Alta Loira, distrito de Sinjau, rechión d'Auvernia-Roine-Alpes. Ye a capital d'o cantón homonimo. Ye integrata en a Communauté de communes de Rochebaron à Chalencon, d'a que ye a de mayor población.
Cheografía La comuna s'estiende por cuasi 4.700 hectarias. Ye trescruzata por a Loira y dende este dica os monts a l'ueste bi ha una plana con lacunas que s'hi formoron dimpués d'a explotación intensiva d'as arenas d'a Loira. As cavidaz feitas alavez se plenoron d'augua en as que i viven una fauna y flora protechita.
En o suyo territorio bi ha 44 nuclios de población, situatos en as dos marguins. En a marguin ezquierda: Ancette (situata en a marguin de l'Ance). Bas (parte administrativa d’a comuna an que se troban a casa d'a villa y as escuelas). Coutanson. Crémerolles. Fouilloux. Labiec. Lamure. La Roche. Le Roure. Loudun. Montméat. Nave. Navogne. Os. Ranchevoux. Saint-Julien. Tézenac. En a marguin dreita: Basset. Gourdon. Gournier (compartiu con a comuna de Monistrol-sur-Loire, o mesmo que a gara). Les Salles.
Categoría:Localidaz de l'Alta Loira