O Museu d'o Gravau de Goya ye un museu que se troba en a localidat de Fuent de Todos (Campo de Belchit) y que fue devantau en 1989 en una casa tradicional esviellada ta ixe uso.
L'edificio A casa ye un edificio tradicional aragonés con tres plantas: a baixa compuesta de dentrada, cocina, cuadra y un siestro chicot con pozo; a primera planta que tien cuatre posientos, y a falsa, que estió un antigo graner. Cuan a casa fue esviellada ta ser un museu, se decidió conservar o suyo tarabidau y tipolochía. Por ixo os elementos prencipals como as escaleras fuoron esvielladas y solo as parez fuoron espaldadas por motius de funcionalidat.
Historia En os anyos 80 bels pintors mercoron as suyas obras con l'obchectivo de financiar a creyación de un museu de Goya en Fuent de Todos con l'adquisición de dos coleccions de gravaus. Asinas, a Deputación Provincial de Zaragoza y o Concello de Fuent de Todos decidioron a merca de una casa antiga d'a carrera Zuloaga, muito circa d'a casa natal d'o pintor; y fue esviellada dica a suya devantada en o mes d'abril de 1989 como Museu d'o Gravau, con as coleccions d'os gravaus de Francisco de Goya.
Coleccions Hue se troban en o museu as cuatre coleccions d'os gravaus d'o pintor aragonés, as cuals son a parti mas important d'o museu Os gravaus en a pachina web oficial d'o museu. Istas coleccions son as siguient:
Os Caprichos: creyaus entre 1797 y 1799 ye una colección de 80 estampas an Goya critica os vicios y as malas costumbres d'a sociedat de l'epoca. As esferras d'a guerra: 82 estampas sobre as esferras d'a guerra d'a independencia espanyola, feitas entre 1810 y 1815 con un estilo totalment nuevo en a historia de l'arte. A Tauromaquia: una serie de 40 estampas feita en 1815 sobre as corridas de toros, espectaclo miuto popular en ixa epoca. Disparates: a zaguer colección d'as cuatre series de gravaus, fue feita entre 1816 y 1824 con 22 estampas muito dificils de replecar.
Referencias
Veyer tamién Casa natal de Goya. Fuent de Todos. Francisco de Goya.
Vinclos externos Pachina web oficial d'o Museu d'o Gravau de Goya Pachina web oficial d'a Fundación Fuendetodos Goya Pachina web oficial d'a Fundación Goya en Aragón Pachina web oficial d'o Patrimonio Cultural de Aragón
Categoría:Fuent de Todos Gravau de Goya