Miguel de la Quadra-Salcedo y Gayarre naixito de Madrit o 30 d'abril de 1932 y muerto en o mesmo puesto o 20 de mayo de 2016)http://www.lne.es/sociedad/2016/05/20/muere-84-anos-reportero-miguel/1929751.html fue un periodista, reportero, promotor cultural y atleta.
Fue o creyador y director d'o programa d'estudeos y cultural Aventura 92, conoixito como Ruta Quetzal. En as pistas de cenisa d'a Universidat Complutense de Madrit, se'n fa o Memorial d'Atletismo Miguel de la Quadra-Salcedo.II Memorial de Atletismo Miguel de la Quadra-Salcedo. Atleta Como atleta gran parti d'a suya carrera esportiva compitió como independient sin d'equipo, en 1960 compitió con o equipo d'a sección d'atletismo d'o Real Madrid CF. Yera especializau en prebas de lanzamiento, siendo campión d'Espanya 9 vegatas: seis en tirada de disco (1953, 1955, 1956, 1958, 1959 y 1960) dos en tirada de peso (1955 y 1956) y uno en tirada de martiello (1956).
Aconsiguió superar o récord d'Espanya de disco siet vegatas y lo tenió dende o 21 de mayo de 1955, con una tirada de 45,91 m cuan superó a marca que teneba José Luis Torres en 31 centimetros, dica o 19 de marzo de 1967 cuan l'aragonés Pascual Banzo superó en mas de un metro a suya zaguera marca que teneba mas de siet anyos. Tamién tenió o récord d'Espanya de tirada de martiello, que aconsiguió superar seis vegatas dende o 17 de chunio de 1956 dica o 7 de setiembre de 1957.
En tirada de chavelina no aconsiguió garra récord ni medalla en os campionatos d'Espanya, pero en prebas oficials y de exhibición aconsiguió superar o récord d'o mundo, faciendo as tiradas con a tecnica d'a tirada d'a barra basca adaptata ta la chavelina por Félix Erausquin qui tamién aconsiguió superar o récord d'o mundo d'a suya epoca. A IAAF no homologó iste récord y modificó o reglamento por dos vegatas ta invalidar ista tecnica por estar considerata como muit peligrosa ta os espectadors y ta os chueces.
Estió selecionato ta partecipar en os Chuegos Olimpicos de Melbourne 1956 pero o boicot d'Espanya a istos Chuegos como protesta por a invasión sovietica d'Hongría no podió partecipar. Cuatre anyos dimpués podió partecipar en os Chuegos Olimpicos de Roma 1960 en a preba de tirada de disco fendo una mala competición con tres tiradas nulas.
Referencias
Categoría:Atletas d'a Comunidat de Madrit en os Chuegos Olimpicos de 1960 Categoría:Atletas d'o Real Madrid Categoría:Lanzadors de peso d'Espanya Categoría:Lanzadors de disco d'Espanya Categoría:Lanzadors de chavelina d'Espanya Categoría:Lanzadors de martiello d'Espanya Categoría:Muertos en Madrit Categoría:Naixius de Madrit Categoría:Récords d'Espanya d'atletismo Categoría:1932 (naixencias) Categoría:2016 (muertes)