La sierra de Chabalón ye un sector sudoriental de los Monts Universals adintro de la Serranía d'Albarracín y de la branca castellana de lo Sistema Iberico. Pende en plataformas estructurals y muelas que tienen como cabalto materials duros cenomanienses.
Se situa a lo sud de muelas con cabaltos d'edat churasica (Muela de Saldón, Muela de Val de Cuenca, etcetera) y desparte las vals de los ríos Ebrón a l'este y Cabriuel a l'ueste.
Toponimia L'oronimo sierra de Chabalón se relaciona con lo Cerro Chabalón, que a la vegada deriva de l'arabe djabal ("mont"), y que João Batista Labanha mencionó como Cerro de Xavalon u Cerro Xavalon en lo suyo Itinerario del Reyno de Aragón (1610-1611).
Orografía La principal altaria ye la Cruz de Sant Lazaro con 1.724 m y a bel 1 km a l'este d'Arroyofrido. Atras altarias importants son Punta Raya (1.685 m), y Cerro Chabalón (1.692 m).
Superficie por municipios La superficie de la sierra de Chabalón se distribuye por los termins municipals de Chabaloyas, Toril y Masegoso, y una manga de lo termin municipal d'Albarracín que plega dica El Canyegral.
Cheolochía Los principals materials cheolochicos representaus en la sierra de Chabalón son d'edat cretacia. Lo cabalto ye formau por dolomías d'edat cenomaniana Instituto Geológico y Minero de España: Mapa Geológico de España E 1:50.000. Terriente. Servicio de publicaciones de Ministerio de Industria y Energía. p 49..
Los materials d'edat churasica baixo los anteriors tienen importancia cientifica, en especial los d'edad Kimmeridgiana, con pinaclos arrecifals de dica 12 m d'altaria. En lo termin municipal de Chabaloyas los barrancos que tallan la Muela de Chabalón fan que i haiga buenos afloramientos José Luis Peña Monné, Miguel Sánchez Fabre, María Victoria Lozano Tena: Las formas de relieve de la Sierra de Albarracín. Centro de Estudios de la Comunidad de Albarracín, 2010, p 30..
L'ueste de la sierra de Chabalón ye sinyalau por una falla semicircular con actividat neotectonica recient.
Referencias
Bibliografía Julio Muñoz Jiménez, Concepción Sanz Herráiz: Guía Física de España. 5 Las Montañas. Alianza Editorial, 1995. Pedro Manuel Artigot Martínez (coordinador): Red natural de Aragón. nº 20, Sierra de Albarracín Prames, 2007. Instituto Geológico y Minero de España: Libro Jubilar J.M.Rios. Geología de España Tomo I. Instituto Geológico y Minero de España, 1983. Instituto Geológico y Minero de España: Mapa Geológico de España E 1:50.000. Terriente. Servicio de publicaciones de Ministerio de Industria y Energía. Articlo titulau Sierra de Javalón en la Gran Enciclopedia Aragonesa, edición de l'anyo 2000.
Categoría:Serranía d'Albarracín Chabalón Chabalón Chabalón