Masegoso ye un de los dos lugars constituyents de lo municipio de Toril y Masegoso, en la provincia de Teruel (Aragón) y en la comarca de la Sierra d'Albarracín. La suya población ye de 16 habitants (2010).
Toponimia Lo toponimo Masegoso presenta lo sufixo -oso acompanyando a un fitonimo que se puede referir en iberorromanz a Cladium mariscus, Carex divulsa, Carex flacca, Carex paniculata, Imperata cylindrica u Molinia caerulea.
Cheografía Masegoso ye situau a l'ueste de la sierra de Chabalón y en la versant ueste de l'alto de Masegoso. Seguindo la carretera TE-V-9121 enta lo sud-ueste se plega dica Val Longuiello, seguindo la carretera TE-912 se plega dica un cruce con la carretera A-2703 entre Toril y Arroyofrido.
Historia Masegoso perteneixió a la vereda de Teruel en lo sieglo XVII y a lo correchimiento d'Albarracín entre 1711 y 1833. En 1845 s'unió a Toril en un solo municipio Antonio Ubieto Arteta: Historia de Aragón. Los Pueblos y los despoblados, II. Anubar ediciones, 1986. pp 833-834..
Referencias
Categoría:Lugars d'a provincia de Teruel Categoría:Lugars de Toril y Masegoso Categoría:Localidaz d'a diocesi de Teruel y Albarracín en a Sierra d'Albarracín