Lo vivaro-alpín ye lo dialecto occitán que se charra en la cuenca meya de lo Roine y en los Alpes, plegando enta l'este dica las Vals Occitanas de Piemont y Liguria. Fa part de lo nordoccitán chunto con lo lemosín y l'auvernés y presenta caracters comuns con l'arpitán Pierre Bec: La langue occitane. Colection Que sais-je?. Presses universitaires de France, 1973. p 36-43..
Fonetica Palatalización de la K- y G- debant de la A, caracter nordoccitán: CANTARE > chantar, a diferencia de l'occitán meridional cantar.
Caita de las dentals -T- y -D- intervocalicas latinas: CANTATA > chantaa/chantaia, a diferencia de l'occitán meridional cantada.
Lo rotacismo ye frequent: SALATA > saraa/saraia, a diferencia de l'occitán cheneral salada. BALMA > barma, a diferencia de l'occitán cheneral balma/bauma.
En las parlas de los Alpes y de lo nord-este de l'Alta Loira se conserva la pronunciación de las -r finals de los infinitivos: Chantar, aver, florir.
Morfolochía La desinencia verbal de primera persona singular ye -o como en aragonés, portugués, castellano, catalán nordoccidental, piemontés y italiano: Parlo en cuenta de parli u parle en occitán cheneral.
Referencias
Bibliografía Pierre Bec: La langue occitane. Colection Que sais-je?. Presses universitaires de France, 1973.
Vivaro-alpín