María Teresa Gargallo, conoixida mas a sobén como Maite Gargallo y naixida de Zaragoza o 15 d'octubre de 1969 ye una atleta aragonesa especializada en prebas de marcha atletica, hue retirada de l'atletismo d'alto livel encara contina fendo competicions en a categoría master, con o Club Atletismo Tarragona y licencia d'a Federación Catalana d'Atletismo. El CA Tarragona es penja cinc medalles en el Campionat de Catalunya de marxa en ruta.
Prencipió a practicar atletismo con 12 anyos dica l'anyo 1995 sin aconseguir grans resultaus a livel nacional, dimpués de ueito anyos sin de practicar atletismo probó con a marxa atletica por indicacions de María José Poves y Fran Guajardo. Anque yera una edad tardana, con mas de 30 anyadas, aconsiguió en muit poco tiempo grans marcas que li permitioron partecipar en grans campionatos internacionals.
Partecipó en o Campionato d'o Mundo d'Atletismo en as edicions de París 2003, Helsinki 2005 y en os Chuegos Olimpicos de 2004 a on estió descalificada en a preba de 20 km marcha.
Tenió o récord d'Aragón de 20 km marcha dende o 7 de chunio de 2003 dica l'11 de chunio de 2008 cuan lo superó María José Poves en o Campionato d'Espanya de Marcha Atletica celebrau en Pontevedra.
Referencias
Vinclos externos La increible Marta Gargallo, Articlo en o Periodico d'Aragón.
Categoría:Esportistas de Zaragoza Categoría:Marchadors d'Aragón Categoría:Récords d'Aragón d'atletismo Categoría:Naixius de Zaragoza Categoría:1969 (naixencias)