O chinés u chino (中文, zhōngwén) ye una luenga sino-tibetana que ye oficial en China, Taiwán y Singapur y que tamién se charra en Indonesia y Malaisia, encara que, en realidat, mas que una luenga ye una familia de luengas anque la tradición cultural china prefiere decir-les dialectos a las suyas variedaz lingüisticas.
O chinés ye l'idioma mas charrau d'o mundo (mas de 900 millons de fablants como luenga materna) y ye tamién un d'os seis idiomas oficials d'a ONU.
Dialectos chineses Tradicionalment, os chineses han dito dialectos (方言, fāngyán) a lo que ye en realidat una familia de luengas mutuament inintelichibles. A vegadas se diz que las diferencias entre istos "dialectos" son pareixidas a las que pueda haber-ie entre las diversas luengas romances en Europa.
Una clasificación habitual d'os dialectos chinos ye la siguient:
O mandarín (北方話 / 北方话), 836 millons de fablants. O wú (吳語 / 吴语), 77 millons O cantonés u yuè (粵語 / 粤语), 71 millons Os dialectos mǐn (閩語 / 闽语), 60 millons O jìn (晉語 / 晋语), 45 millons O xiāng u hunanés (湘語 / 湘语), 36 millons O hakka u kèjiā (客家語 / 客家语), 34 millons O gàn (贛語 / 赣语), 31 millons O huī (徽語 / 徽语), 3,2 millons O pínghuà (平話 / 平话), 2 millons
Referencias
Se veiga tamién Pinyin.
Vinclos externos
*