O numero gramatical en francés puede estar singular u plural, con una muito menor representación residual d'o chenero neutro latín que en as atras luengas romances occidentals. O plural se fa en francés anyadendo una -s a la palabra en singular Gramática francesa. Larousse Editorial, S.A, 2014., pp 29-38. Jacky Girardet, Jean-Marie Cridlig: Panorama Plus 1 Méthode de français. Santillana, Clé International, 1996, pp 177-178. como en atras luengas romances, con a diferencia que en a historia fonetica d'o francés esta -s final s'ha deixau de pronunciar, o que suposa que a palabra singular y plural se convertan en homofonas.

O plural en os substantivos Oralment o substantivo singular y o plural homofonos se distinguen por l'uso d'os articlos que los acompanyan, que no tienen formas de singular y plural homofonas.

Substantivos con plurals irregulars

Bi ha plurals irregulars que no siguen a regla cheneral: Palabras terminadas en -s, -z y -x. Un repas→des repas. Un gaz→des gaz. Un prix→des prix. Ortografía francesa. Larousse Editorial, S.A, 1999., p 59. Palabras terminadas en -al, que fan plurals en -aux: Un cheval→des chevaux ("un caballo"→"(uns) caballos"). Un général→des généraux ("un cheneral"→"(uns) chenerals"). Un journal→des journaux ("un diario"→"(uns) diarios"). Los adchectivos régional y littéral tienen como plurals régionaux y littéraux. Manimenos también bi ha plurals regulars de palabras terminadas en -al como los substantivos aval, bal, cal, cantal, caracal, carnaval, cérémonial, chacal, choral, festival, gavial, gayal, mistral, narval, negro spiritual, nopal, pal, récital, régal, rorqual, santal, sisal, tincal, trial, virginal : narvals, carnavals, finals, fanals, banals, etcetera. Palabras terminadas en -ail. Bi ha muitas palabras que fan o plural regular, como détail→détails, pero tamién unas cuantas que fan plurals irregulars en -aux como aspirail, bail, corail, émail, fermail, gemmail, soupirail, travail, vantail, ventail, vitrail: Un travail→des travaux ("un treballo"→"(uns) treballos"). Palabras terminadas en -ou. A mes gran part siguen a regla cheneral (un clou-des clous), pero bi'n ha belunas como bijou, caillou, chou, genou, hibou, joujou, pou y ripou que fan plurals irregulars en -oux, indicaus por a regla mnemotecnica Viens mon petit chou sur mes genoux, ne fais pas joujou avec mes bijoux, jette plutôt des cailloux à ce vieux hibou plein de poux.: Un genou→des genoux ("un chinollo"→"(uns) chinollos"). Un pou→des poux ("un piollo"→"(uns) piollos"). As palabras terminadas en -eu, -au y -eau fan plurals irregulars en -aux, de fueras de bleu, pneu, feu, émeu, landau, sarrau y o peix gadiforme lieu. Un neveu→des neveux ("un sobrino"→"(uns) sobrinos"). Un chapeau→des chapeaux ("un sombrero"→"(uns) sombreros"). Bi ha palabras muito diferents en plural: Un oeil→des yeux ("un uello"→"(uns) uellos").

O plural en os adchectivos A forma plural de l'adchectivo se fa anyadindo una -s a lo singular, de fueras de cuan a forma singular acabe en -s u en -x. Maïa Grégoire, Odile Thiévenaz: Grammaire progressive du français. Clé International, 2002. pp 14-15.

Os adchectivos que acaban en o sufixo culto francés -al (que ye patrimonial en aragonés), tienen un plural en -aux:Social → sociaux.

Os adchectivos que acaban en -eau, terminación que a vegadas ye un sufixo cognato con l'aragonés -iello, fan un plural en -eaux:Nouveau → nouveaux.

As formas femeninas d'os adchectivos gosan estar regulars. O numero gramatical de dos substantivos chuntos de cheneros diferents se fa en masculín:Maria et Xavier sont gentils.

Un cuantos adchectivos de color son invariables, son nombres de colors provinients de substantivos que adchectivan la coloración (orange, marron): Vocabulario básico del francés. Editorial: Larousse Editorial. S.A., 2000. pp 32-34.Une veste marron → des vestes marron.

Referencias

Bibliografía Ortografía francesa: Larousse Editorial, S.A, 1999. Gramática francesa. Larousse Editorial, S.A, 2014. Jesús Cantera y Eugenio de Vicente: Gramática francesa. Editorial Cátedra, S.A., 1999. p 157. Patrick Guédon, Sylvie Poisson-Quinton: La grammaire du français. Editions Maison des Langues, 2016. Jacky Girardet, Jean-Marie Cridlig: Panorama Plus 1 Méthode de français. Santillana-Clé International, 1996. Jacqueline Picoche y Jean-Claude Rolland: Dictionnaire étymologique du français. Dictionnaires Le Robert, 2009. ISBN 2849024244, 9782849024249. Ludivine Glaud, Yves Loiseau, Elise Merlet: Grammaire essentielle du françáis. B1. Les Éditions Didier, 2015. Maïa Grégoire, Odile Thiévenaz: Grammaire progressive du français''. Clé International, 2002.

Categoría:Morfolochía d'o francés Francés