thumb|250px|L'entibo de Búbal en a val de Tena. O lugar de Búbal se veye a la dreita de l'entibo.
Búbal ye un lugar d'o municipio de Biescas (Uesca) en a val de Tena. Ye situato chunto a lo entibo d'o mesmo nombre, a los piez d'a Penya Telera.
Se dividiba en dos barrios, o Barrio Baixo con casa Esperanza, Arruaba, Portugués y Ainés y o Barrio Alto con casa Mateo, Lorenza, Rocha, Galé, Pericaz, Paciencia, Fanlo, Mingo, Marton, el Royo, Agut, A Escuela y Tiburcio.
Tenió concello propio dica 1845 cuan s'unió a Oz de Tena. En 1873 s'adhibió a Piedrafita dica que iste zaguer s'adhibió tamién a Biescas. L'entibo prencipió a construir-se en l'anyo 1968 y Búbal fue albandonato en l'anyo 1970, igual que os suyos vecins Polituara y Saqués.
Ya en 1984 con o Programa de Recuperación de Lugars Albandonatos prencipian a reconstruir-sen as casas d'o lugar. Actualment se i fan tallers y chuegos con alumnos y voluntarios.
Os suyos habitants yeran os bubalenses, anque en a val yeran conoixitos con as embotatas de bienhabladitos y cascabellanos.
Toponimia Dica prencipios d'o sieglo XVIII li se clamo Bual y ya en 1713 apareixe como Búbal.
Molimentos Ilesia de Sant Martín de Búbal, una ilesia d'estilo barroco que ye adedicata a Sant Martín; tien 'una sola nau, abside de capezera y vuelta d'ariesta con lunetos y capiellas laterals. Ye ña ilesia parroquial d'o lugar. Parroquias del Arciprestazgo de Biescas en o sitio web d'a Diocesi de Chaca.
Demografía Evolución demografica Sieglo XV Sieglo XVI Sieglo XVII Sieglo XVIII Sieglo XIX 1970 6 fuegos 7 fuegos 20 fuegos 11 fuegos 106 ab. 5 ab.
Referencias
Categoría:Lugars de Biescas Categoría:Lugars d'a provincia de Uesca Categoría:Localidaz d'a diocesi de Chaca en l'Alto Galligo Categoría:Lugars afectaus por l'entibo de Búbal