Whakarewarewa (versión reducida d'o nombre completo Te Whakarewarewatanga O Te Ope Taua A Wahiao, en maorí O puesto de reunión ta os destacamentos de Wahiao, abreviau a sobén por a chent local como Whaka) ye una zona cheotermal d'a ciudat de Rotorua en a zona volcanica de Taupo, en Nueva Zelanda. Yera o puesto a on se trobaba a fortaleza maorí de Te Puia, ocupada por primera vegada arredol de l'anyo 1325 y conoixida por no haber estau nunca presa en batalla. Os maorís han viviu astí dende ixas envueltas, aproveitando l'actividat cheotermal d'ista val ta calentar-se y cocinar.
Whakarewarewa tien bellas 500 basas, a mayoría d'as cuals son fuents termals d'auguas alcalinas cloruradas. Bi ha tamién a o menos 65 guéisers, conoixius cadagún por o suyo nombre propio. Siet d'istos guéisers son actualment activos. O guéiser Pohutu, que significa "gran esclatada", erupciona alto u baixo cada hora y plega a una altaria de 30 m.
Referencias
Vinclos externos
Categoría:Guéisers de Nueva Zelanda Categoría:Arias cheotermals de Nueva Zelanda Categoría:Rotorua