O Tititea (en maorí Tititea, en anglés Mount Aspiring) ye a montanya mas alta de Nueva Zelanda difuera d'a rechión d'o mont Cook.
Descripciónn Se troba aintro d'o Parque Nacional d'o Mont Aspiring, en Otago, y tien una altaria de 3.033 m. Os maorís le dicen Tititea, que puet traducir-se como o Pico que brila. O suyo nombre en anglés lo metió en aviento de 1857 o chefe de topografía d'a provincia d'Otago, John Turnbull Thomson.Wises New Zealand Index, 7th Edition, 1979. p. 15. Ye conoixiu tamién como o "mont Cervino d'o Sud", por a suya forma piramidal si se veye dende o río Matukituki. A primera puyada la facioron o comandant Bernard Head y os guidas Jack Clarke y Alec Graham o 23 de noviembre de 1909. A expedición de Head puyó a la tuca a traviés d'una cresta en a parte occidental dende o glaciar Bonar, una rota que no se tornó a repetir dica 1965.Logan, H. (1990) 'Great peaks of New Zealand', New Zealand Alpine Club, Wellington, and John McIndoe Limited, Dunedin, New Zealand, .
O Tititea ye situau una mica a l'ueste d'a división prencipal entre as dos versants d'os Alpes d'o Sud, 30 kilometros a l'ueste d'o laco Wanaka. Se troba en a intersección de tres grans sistemas glaciars — o glaciar Bonar, que desemboca en o río Waipara, y os glaciars Volta y Therma, que rematan en o río Waitoto. O Waipara ye un afluent d'o río Arawhata, y os dos, o río Arawhata y o río Waitoto desembocan en a costa ueste entre Haast y Jackson Bay.
Escalada A rota mas tipica ta puyar a o mont Aspiring ye puyar a traviés d'a val occidental d'o Matukituki, que se troba a la fin d'una carretera de 50 kilometros que va dende Wanaka dica Raspberry Flat. Dende astí un rete de refuchios ufre puntos de descanso ta os escaladors.
O primer d'istos ye o Mount Aspiring Hut, que ye a 8 kilometros (u alto u baixo dos horas a piet) dende o fin d'a carretera. O siguient refuchio se troba a 8-12 horas difuera d'a pista prencipal. Dende a fin d'a pista ye posible puyar por a Creta francesa (French Ridge) y trescruzar o glaciar Bonar, u bien puyar por o collau de Bevan Col dica o glaciar Bonar. As dos opcions requieren de buenos conoiximientos de tecnicas de escalada y travesía a traviés de glaciars. Muitos escaladors optan por plegar dica a zona en helicoptero, ya que l'aproximación dica a base ye dura.
Referencias
Vinclos externos Documental de 1949 de Brian Brake..
Tititea