O glaciar Franz Josef (en anglés Franz Josef Glacier, en maorí Kā Roimata o Hine Hukatere) ye un glaciar de 12 km de largaria Glaciers in New Zealand (de Te Ara: The Encyclopedia of New Zealand. Accessed 2008-01-16.) situada en o Parque Nacional de Westland Tai Poutini en a costa ueste d'a Isla d'o Sud de Nueva Zelanda. Chunto con o glaciar Fox situau a 20 km a o sud, y un tercer glaciar, baixa dende os Alpes d'o Sud dica una altaria de menos de 300 m sobre o livel d'a mar.
A redolada d'os dos glaciars fa parti de Te Wahipounamu, un puesto declarau Patrimonio d'a Humanidat. O río que sale dende a parti terminal d'a cheleta Franz Josef se conoixe como río Waiho.
Etimolochía A primera descripción d'un d'os glaciars d'a costa este por europeus (se creye que d'o glaciar Franz Josef) fue feita en o cuaderno de bitacora d'o barco Mary Louisa en 1859. O glaciar fue dimpués nombrau en honor de l'emperador Francisco Chusé I d'Austria por o explorador alemán Julius von Haast en 1865. O nombre maorí ye Kā Roimata o Hine Hukatere (literalment "As glarimas de Hine Hukatere") y deriva d'una lechenda local: a Hine Hukatere le cuacaba puyar a las montanyas y convenció a lo suyo amant, Wawe, ta puyar-ie con ella. Wawe yera un escalador con menos experiencia que Hine Hukatere encara que le fació goyo acompanayr-la dica que un lurte enterrecó a Wawe y lo mató. Hine Hukatere yera muit trista y prencipió a plorar, baixando muitas d'as suyas glarimas entre as montanyas y chelando-se ta formar o glaciar. Dimpués d'os alcuerdos con os Ngai Tahu en 1998, o nombre oficial d'o glaciar paso a prener a denominación bilingüe de Franz Josef Glacier / Kā Roimata o Hine Hukatere.
Referencias
Franz Josef