Katoomba ye una localidat australiana capital de l'aria urbana conoixida como Ciudat d'os Monts Azuls en Nueva Galas d'o Sud. Katoomba ye situada chunto a la Great Western Highway a una distancia de 110 km a l'ueste de Sydney y 39 km a o sud-este de Lithgow. A gara de Katoomba se troba en a Main Western line. Gregory's State Road Map of New South Wales, Mapa 220, 11ena edición. Seguntes o censo oficial de 2011, Katoomba teneba una población d'8.016 personas.
Katoomba ye un puesto de salida d'excursions por os Monts Azuls.
Etimolochía Kedumba u Katta-toon-bah ye un termin aborichen que significa "augua brilant que caye" u "augua que caye sobre lo tozal" y prene lo suyo nombre d'o salto d'augua que baixa enta la val de Jamison por debaixo d'o Harrys Amphitheatre. Previament, o puesto yera conoixiu como William's Chimney y Collett's Swamp. En 1874 a localidat yera dita The Crushers por o nombre d'a gara que daba acceso a una cantera amanada. O nombre de Katoomba fue adoptau en 1877 y se convertió en municipio en 1889. Concello d'a Blue Mountains City: Blue Mountains City Council Origin of Blue Mountains Town Names.
Historia Katoomba y l'amanada Medlow Bath se desenrolloron como destins turisticos en zaguerías d'o sieglo XIX cuan se i construyioron un conchunto d'hotels que poco dimpués fació que as localidaz s'estendillasen.
A menería de carbón y pizarra tamién estió una important fuent d'ingresos d'a val de Jamison mientres muitos anyos, encara que cuan as vetas s'acotoloron en primerías d'o sieglo XX Katoomba pasó a estar un lugar residencial. En os anyos 1960 Katoomba prencipió una epoca de declive y muitos d'os suyos suyos hotels y hospederías prencipioron a fer-se servir con atros propositos, incluyindo hespitals ta personas convalecients. Debiu a que as casas yeran prou baratas muitas familias que encara i viven s'establioron por ixas envueltas.
En os anyos 1980, as casas rurals y hotels tornaron a meter-se de moda y se reformoron ta recuperar o suyo aspecto anterior. O pre d'as casas en a rechión de Katoomba tornó a puyar, encara que en cheneral son mas baixos que en l'aria metropolitana de Sydney. O turismo en l'aria ha puyau significativament dende 2010.
Referencias
Vinclos externos
Categoría:Localidaz de Nueva Galas d'o Sud Categoría:Parque Nacional d'os Monts Azuls