O Queen Victoria Building (abreviau como QVB), ye un edificio de zaguerías d'o sieglo XIX disenyau por l'arquitecto George McRae y situau en o districto d'afers central de Sydney, Australia. L'edificio, d'estilo neorromanico fue construyiu entre os anyos 1893 y 1898 y tien una amplaria de 30 m y una largaria de 190 m. Ocupa un bloque d'a ciudat rodiau por as carreras George Street, Market Street, York Street y Druitt Street.
Disenyau orichinalment como puesto ta un mercau, ha estau emplegau ta cuantos propositos diferentes, esviellau y mesmo albandonau dica que tornó a recuperar-se ta o suyo uso orichinal como centro comercial.
Nombre En 1897, o concello decidió "adedicar os nuevos edificios d'o mercau", encara en construcción, a la reina Victoria I d'o Reino Uniu, nombrando-los como "The Queen Victoria Market Buildings" (en anglés Os Edificios d'o Mercau d'a Reina Victoria) en conmemoración d'o cabo d'anyo de diamants d'a reina:
Os concellers decidioron no pedir o permiso d'a reina, en parti porque "habría estau menester meter o escudo reyal en l'edificio".
Dimpues de que os mercaus que orichinalment se trobaban en l'edificio se tresladasen en 1910, o nombre s'acurtó a "Queen Victoria Buildings". En zagueras, en 1987, o concello rescindió a resolución de 1918 y renombró a l'edificio como "Queen Victoria Building".
Se veiga tamién Estatua d'a Reina Victoria (Sydney)
Referencias
Vinclos externos
Web oficial
Categoría:Edificios de Sydney