Sochi ( en ruso: Со́чи, y en cheorchiano: სოჭი) ye una ciudat rusa en o krai de Krasnodar amán d'a frontera con Cheorchia. Britannica, The Editors of Encyclopaedia. "Sochi". Encyclopedia Britannica, 18 Jan. 2024, https://www.britannica.com/place/Sochi. A suya población yera de 401.291 habitants en o 2016 en una superficie de 3.508 km².
Sochi ye una ciudat conoixita por ser un centro turistico important y por ser a seu d'os Chuegos Olimpicos d'hibierno de 2014.
Economía A prencipal actividat economica de Sochi ye o turismo, as suyas plachas y as suyas montanyas la fan un puesto ta vesitar en tot l'anyo, tamién cal destacar a industria alimentaria y atras como l'agricultura, silvicultura y apicultura.
Esporte L'esporte en Sochi ye important en a vita d'a ciudat y parte d'o turismo que la visita ye ta fer esportes d'hibierno en as montanyas que bi ha amán. Tamién cal destacar a escuela de tenis a on prencipiaron esportistas d'a importancia de María Sharápova y Yevgueni Káfelnikov.
En l'anyo 2007 a ciudat estió esleyita seu d'os Chuegos Olimpicos d'hibierno de 2014, estioron os Chuegos mas caros d'a historia y aduyoron a transformar a ciudat y empentar o turismo d'hibierno.
En a ciudat dende 2014 dica 2021 tamién se celebró o Gran Premio de Rusia de Formula 1, que estió parti d'o Campionato d'o Mundo de Formula 1 una d'as mas importants competicions de automovilismo. En 2022, producto d'as sancions a lo país dimpués d'a Invasión rusa d'Ucraína de 2022, o contracto d'o Gran Premio estió rematau, no disputando-se ni a edición de 2022 ni as posteriors.
O Estadio Olímpico Fisht de Sochi estió una d'as seus d'o Campionato Mundial de Fútbol en a suya edición de 2018, se chugaron cuatre partius d'a primera fase, un d'octavos y un de cuarts.
Referencias
Vinclos externos
Pachina web d'a ciudat.
Categoría:Localidaz de Rusia Categoría:Ciudaz seus d'os Chuegos Olimpicos d'hibierno Categoría:Chuegos Olimpicos d'hibierno de 2014