A tuca de Cllarabida (en francés Pic de Clarabide) ye una montanya de 3.019 metros que se troba entre a provincia de Uesca (Aragón) y o departamento d'os Altos Pireneus (Occitania).
Accedindo dende a vall d'Estós ye un d'os tres mils mas fácils d'Aragón chunto a la punda Negra, a punta de Vachimala, a punta Culfreda Sud y mesmo a punta de Treserols, a punta de Lardana y a tuca d'Aneto. [http://www.elperiodicodearagon.com/noticias/deportes/cumbre-mas-amable_533325.html La cumbre más amable], en El Periódico de Aragón.
Situada en un circo de montanyas graniticas, a Cllarabida ye una excursión tipica en verano dende o refuchio d'Estós, asequible ta personas d'un livel fisico meyo. Se tracta d'una puyada de 1.193 metros de deslivel, mantenida y sin descansos, que parte dende as instalacions d'o refuchio, contina en a dirección nord-este dentrando en o barranco de Chíes, ta continar por a marguin ezquierda d'o Forau d'O y plegar enta l'ibón de Gias, a dos horas d'o refuchio. Cal plegar en o collau a 2.900 metros ta dimpués por un paso de piedras marcau con fitas ganar altaria plegando a la cima en nomás una cuartalada d'hora, habendo dende a tuca una anvista impresionant.
Toponimia L'oronimo Cllarabida ye considerau por José Antonio Saura Rami como formau a partir d'a radiz basca bida (camín), dando a evidencia d'haber estau dica fa pocos decenios un escenario de contrabandismo. José Antonio Saura Rami: En la órbita del topónimo Aiguallut, 2001, p , pp 438-439.
Referencias
Cllarabida Cllarabida Cllarabida Cllarabida Cllarabida Cllarabida Cllarabida Categoría:Macizo de Perdiguero Categoría:Montanyas de Ribagorza