Iste articlo tracta sobre o municipio de Medellín, en Espanya. Ta altros emplegos d'o toponimo Medellín se veiga Medellín (desambigación).
Medellín ye un municipio extremenyo d'a provincia de Badajoz. Se troba situato en a comarca d'as Vegas Altas y en o partiu chudicial de Don Benito. A suya población ye de 2.300 habitants (2016), en una superficie de 65 km².
Toponimia O toponimo Medellín se remonta a lo latín METELLINUM, nombre d'un nuclio de población de caracter militar fundau por Metelo entre os anyos 77 y 78 con a fin de creyar una muga de protección d'a Betica contra l'exercito de Sertorio. Mangas Manjarrés, Julio: Historia de España, 3. De Aníbal al Emperador Augusto. Hispania Durante la República Romana. Historia 16, 1995, pp 45-46.
O filologo Alonso Zamora Vicente destaca que ye un toponimo con apocope en a terminación -ino (que no siempre ye o sufixo -ino) que no se corresponde con a fonetica actual d'Extremadura. Alonso Zamora Vicente: Dialectología española. Editorial Gredos, segunda edición, 1989, pp 116-118.
Se documenta una mención a Medellín en aragonés medieval en a "Cronica de los Conquiridors", compilación historica de Chuan Ferrández d'Heredia.
Puestos d'interés Cal destacar a necropoli tartesica de Medellín y tamién un puesto cercano y interesant como o chacimiento arqueolochico d'orichen tartesico conoixiu como O Turuñuelo, datau en o Sieglo V aC y que se troba a uns 3 km. en a localidat vecina de Guareña.
Personalidaz naixitas de Medellín Hernán Cortés (1485-1547): conqueridor d'o Imperio Azteca.
Referencias
Vinclos externos Pachina web oficial d'o Concello de Medellín.
Categoría:Localidaz d'a provincia de Badajoz