O Garmo de Pondiellos (en castellano Aguja de Arnales) ye un garmo de 3.020 metros que se troba en a provincia de Uesca (Aragón).
Descripción Ista cima no se trobaba inicialment incluyida en a lista oficial de tresmils, encara que dimpués s'ha puesto comprobar que sí cumple os criterios ta estar incluyiu. Ye deseparada por una chicota breca d'o conchunto formau por a punda de ra Nevera y a punda Alta de Pondiellos, toz tres formando o macizo d'os Infiernos.
Os primers montanyers que han investigau iste garmo l'han dito Agulla d'Arnals, por trobarse chunto a o pico de ros Arnals, apareixindo iste nombre ya en bellas publicacions, encara que dende 2016 o Gubierno d'Aragón lo denomina oficialment como Garmo de Pondiellos Presentación del “Proyecto Tresmiles” que establece el nombre oficial de 160 montañas de Aragón de más de tres mil metros. Aragón Hoy. Gubierno d'Aragón. 6 de chunio de 2017.
Toponimia Pareixe que o toponimo Pondiellos ye un diminutivo en plural de puent con a "-o-" sin diftongar, "ponte", y o sufixo -iello.
O sufixo podría haber estau readaptau a traviés d'o castellano, ya que en realidat l'aragonés tensino tiende a fer os diminutivos con o sufixo -iecho, por o que sería mas natural a forma *Pondiechos. "Toponimia del valle de Tena". W. D. Elcock
Referencias
Vinclos externos En www.mendikat.net
Categoría:Montanyas d'a provincia de Uesca Categoría:Montanyas d'o Pireneu aragonés Categoría:Montanyas d'o Pireneu axial Categoría:Tresmils d'o Pireneu aragonés Categoría:Montanyas de Pandicosa Categoría:Montanyas de Sallent de Galligo Categoría:Picos de l'Infierno Pondiellos Categoría:Montanyas de l'Alto Galligo