Imelda Remedios Visitación Trinidad Romuáldez Marcos, conoixida simplament como Imelda Marcos u con a suya embotada de paixarela de fierro, naixida de Manila (Filipinas) o 2 de chulio de 1929, ye una politica filipina que estió la 10ena Primera Dama d'as Filipinas dende o 30 d'aviento de 1965 dica o 25 de febrero de 1986, aduyando a lo suyo mariu en o gubierno d'a nación y a centralizar tot o poder y establir-ne una autocracia chuntos. Mientres o gubierno d'o suyo mariu, chuntos furtoron milars de millons de pesos acumulando una fortuna personal estimada entre 5 mil y 10 mil millons de dólars en o momento en que estioron depuestos en 1986. Ye muit conoxida porque dimpués d'a suya fuyida d'o país en 1986, se troboron mas de 1.000 pars de zapatos en o Palacio de Malacañán que li perteneixeban.
Dende que lo suyo mariu estase expulsau d'a presidencia de Filipinas, Imelda ha confrontau numbrosos procesos legals referents a las malas practicas financieras que ella y lo suyo mariu habrían cometiu mientres os suyos 21 anyos en o poder. Tot y con os numerosos chudicios y casos ubiertos en a suya contra, Imelda no ha recibiugarra condena definitiva y la mayor parte d'a fortuna que se l'acusa d'haber malversau sigue sin estar recuperada per l'estau filipino.
En l'actualidat contina estando una figura influyent y notoria en a politica filipina y ye centrada en esfender o legau politico d'o suyo esposo. Los suyos simpatizants la exaltan per os suyos logros en l'ambito cultural mientres lo periodo como primera dama de Filipinas y los suyos criticos la consideran co-responsable d'o rechimen d'o suyo esposo y la catalogan como superflua y desconsiderada enta lo pueblo filipino.
Vinclos externos
Categoría:Gubernadors de Manila Categoría:Naixius de Manila Categoría:Politicos de Filipinas Categoría:Primeras damas de Filipinas Categoría:1929 (naixencias)