Ralph Cook Craig, conoixito esportivament como Ralph Craig, y naixito de Detroit, Michigan, Estaus Unius, o 21 de chunio de 1889 y muerto en Lake George, Nueva York, (Estaus Unius) o 21 de chulio de 1972, estió un atleta estausunidense de primerias d'o sieglo XX que estió o ganador d'as prebas d'os 100 y 200 metros lisos en os Chuegos Olimpicos de Estocolmo 1912.
Prencipió a suya carrera esportiva fendo cursas de cletas, pero en a Universidat de Michigan prencipió a fer cursas lisas con buenos resultaus. Gana campionatos interuniversitarios en 1910, y 1911 igualando o récord mundial de 220 yardas. Dimpués d'a suya graduación compitió con l'equipo d'a Young Men's Christian Association of Detroit (YMCA de Detroit) y aconsiguió un puesto en l'equipo olimpico d'Estaus Unius ta partecipar en os Chuegos Olimpicos d'Estocolmo 2012.
En os Chuegos Olimpicos aconsiguió clasificar-se en as rondas previas y semifinals ta partecipar en as finals d'as prebas de 100 y 200 metros lisos. En as dos cursas aconsiguió ganar a Don Lippincott o gran favorito qui aconsiguió millorar o récord d'o mundo d's 100 m.l. en as rondas clasificatorias, en a final dimpués de siet sortidas falsas Craig gana a preba, davant d'os tamién estauunidenses Alvah Meyer y Donald Lippincott. En os 200 metros lisos ganó a medalla d'oro debant de l'estausunidense Donald Lippincott y o britanico Willie Applegarth medalla d'archent y bronce respectivament.
No torna a l'actividat atletica dica as zaguerias d'os Chuegos Olimpicos de Londres 1948 a on fació parte de l'equipo d'Estaus Unius como suplent, amás amás de de ser l'abanderau de l'equipo en a cerimonia d'embotada.
Vinclos externos Biografía atletica de Ralph Craig.
<center>
<center>
Categoría:Velocistas d'Estaus Unius Categoría:Medallistas olimpicos d'Estaus Unius Categoría:Medalla d'oro en os Chuegos Olimpicos Categoría:Atletas d'Estaus Unius en os Chuegos Olimpicos de 1912 Categoría:Naixius de Detroit Categoría:Muertos en o estau de Nueva York Categoría:1889 (naixencias) Categoría:1972 (muertes)