Los chentilicios en francés designan en esta luenga romance los habitadors d'un puesto, d'una rechión, d'una provincia, d'un país u d'un continent en referencia a lo puesto a on que habitan u d'a on que son orichinarios.
Lo chentilicio se diferencia de lo etnonimo porque lo etnonimo designa una comunidat u pueblo que comparte una identitat sin estar restreito a un territorio concreto, por eixemplo en pueblos nomadas, pueblos con diaspora u pueblos en procesos migratorios. Manimenos a vegadas coinciden los chentilicios y los etnonimos, fendo-se los segundos a partir de los primers.
Bi ha sufixos creyadors de chentilicios que s'anyaden a lo toponimo; los sufixos creyadors de chentilicios mes comuns son -ien, -ienne y -ais, -aise. Reine Mimran: Vocabulaire expliqué du français - Niveau débutant. Clé International, 2004. pp 39-41. Manimenos, a vegadas se prefiere la estructura de + toponimo. Gramática francesa. Larousse Editorial, S.A, 2014., pp 43-44.
Los chentilicios s'escriben con minuscla cuan fan de verdadero adchectivo acompanyando a un substantivo. Ye cuan se substantivan cuan s'escriben con mayuscla: La cuisine française: la cocina francesa. Les Françaises: las francesas.
Sufixo -ain, -aine Equivale a lo sufixo -án(o) en aragonés.. Américain: americano, pero en especial d'Estaus Unius. Cubain: Vocabulario básico del francés. Editorial: Larousse Editorial. S.A., 2000. pp 32-34. cubano. Dominicain: dominicano. Mexicain: mexicano. Roumain: rumano.
Sufixo -ais, -aise Gosa corresponder a lo sufixo -és en aragonés, pero no siempre proviene de lo sufixo latín -ense, podendo provenir tamién de lo sufixo francico -isk, cognato de l'aragonés -esco, -isco. Anglais: anglés. Camerounais: camerunés. Finlandais: finlandés. Français: francés. Hollandais: holandés. Japonais: chaponés. Polonais: polaco.
Sufixo -and, -ande Allemand: alemán. Flamand: flamenco.
Sufixo -ègne Ye l'adaptación de lo sufixo castellano -eño, -eña. Estrémègne: extremenyo.Hondurègne: hondurenyo. Portègne: de Buenos Aires. Salvadorègne: salvadorenyo.
Sufixo -en, -enne Presenta la variant -ien dezaga de toponimos acabaus en ia: Algerien: d'Alcheria. Alsacien: d'Alsacia. Bosnien: de Bosnia. Lithuanien: de Lituania. Tunisien: de Túniz.
Sufixo -in, -ine Equivale a lo sufixo -ín(o) en aragonés. Argentin: archentino. Maghrébin: de Magreb. Philippin: de Filipinas.
Sufixo -ois, -oise Gosa corresponder a lo sufixo -és en aragonés, pero no siempre proviene de lo sufixo latín -ense, podendo provenir tamién de lo sufixo francico -isk, cognato de l'aragonés -esco, -isco. Chinois: chino / chinés. Danois: danés. Hongrois: hongaro. Luxembourgeois: luxemburgués. Québécois: de Québec. Suédois: de Suecia. Zaïrois: de Zaire.
Chentilicios acabaus en -ol, -ole La terminación en -ol se troba en chentilicios ampraus a l'occitán: Espagnol: espanyol, habitador d'Espanya. Cévenol: habitador de las Cevenas.
Manimenos, tamién en chentilicios d'atros oríchens: Mongol.
Chentilicios acabaus en -on, -onne Bourguignon: borgonyón, habitador de Borgonya. Breton: bretón, habitador de Bretanya.
Atros Grec, grecque: griego, griega. Suisse, suissesse: Ortografía francesa. Larousse Editorial, S.A, 1999., pp 56-59. suizo, suiza. La forma femenina con sufixo -esse ye raro y no se troba que en bella locución.
Referencias
Bibliografía Vocabulario básico del francés. Editorial: Larousse Editorial. S.A., 2000. Gramática francesa. Larousse Editorial, S.A, 2014. Ortografía francesa: Larousse Editorial, S.A, 1999. Jacky Girardet, Jean-Marie Cridlig: Panorama Plus 1 Méthode de français. Santillana-Clé International, 1996. Reine Mimran: Vocabulaire expliqué du français - Niveau débutant. Clé International, 2004.
Frances Categoría:Onomastica en francés Categoría:Adchectivos cualificativos en francés