250px|thumb|right|Replicas de las carabelas de Colón exposadas en 1992 en la Expo de Sevilla. La palabra carabela ye un portuguesismo que amuestra influencia portuguesa en la tradición marinera espanyola. Los lusismos y galleguismos en castellano son elementos lingüisticos provinients de los galaicoportugués medieval u de los lenguaches que en derivan como lo gallego u lo portugués.

Como los portugueses encomenzoron antes que los espanyols con las exploracions maritimas y la contrucción d'un imperio maritimo, muitos termins portugueses pasoron a lo castellano. Cuan en 1492 Colón plegó a America los portugueses ya teneban influencia en las costas atlanticas d'Africa y heban descubierto lo Cabo de Buena Esperanza (1488). La expedición de Vasco de Gama en 1497 ubrió una ruta maritima ta la India que permitió dimpués una hechemonía maritima portuguesa en l'Oceano Indico. Los termins que pasoron dende lo portugués a lo castellano en ixa epoca son palabras relacionadas con la navegación maritima, la cheografía, los productos d'Asia, Africa y Ocianía, la fauna y la flora exotica, que encara que puedan estar d'orichen patrimonial, por un regular provienen de los principals pueblos africanos y asiaticos con los que tenioron contactos.

A pesar de la vecindat de Portugal y Castiella y d'una unión baixo los mesmos monarcas dende 1580 dica 1640, la influencia lexica de lo portugués en lo castellano de lo sieglo d'Oro no estió guaire gran. Rafael Cano Aguilar: Historia de la lengua española. Ariel lingüística. Editorial Ariel. pp 900-901, pp 1054-1055.

Oríchens de los lusismos y galleguismos Lo portugués ha teniu importancia en la historia de las luengas romances occidentals como vía d'entrada de palabras dende las luengas d'America, Africa, Asia y Oceanía, y se puede veyer l'orichen en luengas con tradición escrita como l'arabe, las luengas indo-iranianas, lo malayo, lo chinés, chaponés, etcetera..

Lusismos d'orichen arabe Tifón.

Lusismos d'orichen africano Banana. Lo suyo orichen africano y portugués no ye seguro. Cachimba.

Lusismos d'orichen indoiranián y dravida En India los portugueses entroron en contacto con pueblos de diferents luengas, de las familias dravida y indoaria. Belunas como l'urdú teneban un vocabulario muito influiu por lo persa. Bambú. Beriberi: s'escribe beribéri en portugués, que transcribe una frase singalesa que significa no puedo - no puedo. Catre: deriva de lo tamil kaṭṭil, pero ye d'orichen indoario (sanscrito khaṭvā). Carambola: amprau de lo marâthî karambal, ye lo fruito de l'árbol Averrhoa carambola. Cipayo: amprau de lo portugués sipay, preso de lo sipāhī, que proviene de lo persa sepāhi ("soldau"). Pagoda. En portugués ye pagode. Palanquín. En portugués ye palanquim.

Ciertos toponimos fuoron transmesos por los portugueses: Bengala. Malabar.

Lusismos d'orichen chaponés Biombo. Bonzo.

Lusismos d'orichen chinés Cha: te. Se fa servir en castellano de Filipinas. Lo portugués ye la sola luenga romanz occidental que no prene esta palabra dende la pronunciación en chinés meridional u min nan. La explicación ye que los portugueses recibioron lo te de la redolada de Macau, a on que se charra lo chinés cantonés. Charol.

Lusismos d'orichen malayo Cacatúa. Junco: embarcación tipica de lo sud-este asiatico. Lancha. Mandarín. En portugués ye mandarim. En realidat ye una palabra que lo malayo heba amprau a lo sanscrito. Orangután. La palabra malaya podió pasar a lo portugués antes que a atras luengas occidentals como l'anglés a traviés de las que se transmitió la palabra a lo castellano.

Galleguismos Los galleguismos a vegadas se refieren a conceptos muito concretos ligaus a los productos, la cultura u lo folklore de Galicia, mesmo de forma estereotipada. Botafumeiro. Conselleiro. Meiga. Morriña. Muiñeira. Queimada. Sarpullido. Vieira.

Campos lexicos de los lusismos y galleguismos Zoonimia

A part de bicho, María Luisa Arnal Purroy: Orígenes de "ĉ" en Aragón y otras cuestiones conexas (a partir de los materiales del ALEANR) I. RILCE: Revista de filología hispánica, ISSN 0213-2370, Vol. 12, Nº 1, 1996, pp. 1-25. derivau de lo latín BESTIUS y con connotacions despectivas en castellano, destacan las denominacions d'animals marins y exoticos:

Zoonimia marina Almeja. Deriva de lo portugués ameija. Fernando Venâncio Lusismos e galeguismos em espanhol. Uma revisão dos dados Fernando Venâncio. Ye un bivalvo de mida chica. Cachalote. Cardumen. Mejillón. Deriva de lo portugués mexilhao. Significa "musclo". Ostra. Pardela. Vieira.

Zoonimia terrestre Cacatúa. Cobaya. Cobra: ye la evolución de lo latín COLŬBRA d'acuerdo con la fonetica galaicoportuguesa, con perda de la -L- intervocalica latina. Chamariz. Macaco. Macho. Perca. Pintada. Piraña. Serval: felido Leptailurus serval; la forma orichinal en portugués ye "cerval", referida orichinariament en esta luenga a los felidos de lo chenero Lynx (igual como en aragonés). Zorro. Lo zoonimo portugués deriva de lo verbo zorrar, "arrocegar".

Fitonimia

thumb|250px|right|Rans d'algas de lo chenero Sargassum en la mar de los Sargazos. Estioron los portugueses los que posoron nombre a este sector de l'Oceano Atlantico caracterizau por haber-ie grans masas flotants d'estas algas pardas. Ananás: de lo tupí-guaraní naná. Bambú: amprau de luengas como lo canarés, lo maratí, lo gucharatí u lo konkani. Carambola: amprau de lo marâthî karambal, ye lo fruito de l'árbol Averrhoa carambola. Cha: te. Se fa servir encara en castellano de Filipinas. Sargazo: de lo portugués sargaço, forma sufixada con -aço orichinada a partir de SALIX, SALICIS (*SALICACEU). La mesma radiz ha dau en aragonés salz / salce, existindo una forma sufixada sarguera, que parte de *SALICARIA.

Cheografía fisica Acantilado: paretadas. Cantil: cinglo. Pleamar. Deriva de lo portugués prea mar. Volcán.

Meteorolochía Chubasco. Garúa. Deriva de lo portugués caruja. Marejada: un estau de la mar con olas que fegura en la escala Douglas. Monzón. Tifón.

Alimentos, gastronomía y cocina thumb|250px|Lacón con grelos y cachelos, plato de carne tipico de Galicia. Acar. Catechu. Copra. Chorizo. Deriva de lo portugués souriço, orichinau a partir de lo latín SALSICIUM igual como lo italiano salciccia. Grelo: ye lo cognato de grillo, pero se refiere a los chitos de la subspecie de napo Brassica rapa subsp. rapa y no a los grillos las trunfas. Lacón. Ñame.

Laminerías 250px|thumb|right|Mermelada d'alberche. La palabra orichinal en portugués no se referiba que a lo codonyate u confitura de codonyo, que ye marmelo en portugués. Ciertos nombres de dulces y laminerías se remontan a lo Sieglo d'Oro. Rafael Lapesa. Historia de la lengua española. Editorial Gredos. (1981, pp 410-412. Brinquiño. Caramelo: carambelo. Mermelada: deriva de lo portugués marmelada, forma sufixada con -ada de marlelo < MELIMELUM ("codonyo").

Navegación maritima Carabela. Junco. Lancha. Tanque: deposito gran (lo significau militar ye un anglicismo de zaguers lo sieglo XIX. Vigía. En portugués s'escribe vigia.

Vida cortesana 250px|thumb|right|Las Meninas de Diego Velázquez. La palabra menina ye un portuguesismo que encomenzó a emplegar-se en lo Sieglo d'Oro. Si en portugués orichinal menino significaba nino, en castellano aurio prenió lo significau de nino de familia noble que entraba en palacio a pa servir a la reina u a los fillos suyos. En ixas envueltas de los Austrias la luenga y cultura portuguesas resultaban simpaticas en la cort espanyola, en un contexto d'haber-se conseguiu una unión dinastica que ya se perseguiba dende lo sieglo XV. S'introducioron termins ligaus a la cort, pero tamién d'atros campos como las laminerías. Menino. Sarao. La palabra portuguesa serao ye la evolución de lo latín SERANUM, derivau de SERUS. Si en galaicoportugués no teneba que un significau temporal, en castellano prenió un significau de "concierto musical vespertín".

Sentimientos Soledad. Encara que ya existiba esta palabra, prenió significaus de saudade. Echar de menos: deriva de achar menos, confundindo un verbo portugués derivau de AFFLARE con un verbo castellano derivau de JECTARE. En castellano medieval yera hallar menos.

Musica Cántiga. Fado. Muiñeira. Sarao.

Colectivos humans Casta: ye un goticismo en galaicoportugués que tamién existe en castellano, pero lo significau que ha transmeso lo portugués a lo castellano ye una traducción de lo concepto hindú de varna. Criollos. Parias. Payos: derivau de lo cognato galico-portugués de Pelayo, nombre de persona común en Galicia y Portugal antes mas.

Cargos, profesions, institucions, funcions Conselleiro. Mandarín. Meiga.

Atros Chato: proviene de lo latín PLATTUS, amostrando la lei fonetica galaicoportuguesa que fa de lo grupo latino PL- una ch- como en chubasco. Choza: proviene de lo latín PLUTEA, amostrando l'antedita lei fonetica.

Sufixos y terminacions de los lusismos y galleguismos Ye destacable lo sufixo -elo, cognato de l'aragonés -iello y de lo castellano -illo. Caramelo. Carabela. Pardela.

La terminación -im s'adapta como -ín: Mandarín. Palanquín.

Referencias

Bibliografía Rafael Lapesa: Historia de la lengua española. Editorial Gredos, 2001. David A. Pharies: Diccionario Etimológico de Los Sufijos Españoles: Y de Otros Elementos Finales Volumen 25 de Biblioteca románica hispánica. Editorial Gredos, S.A., 2002 ISBN 8424923391, 9788424923396. Dolores Corbella, Alejandro Fajardo: Español y Portugués en Contacto: Préstamos léxicos e Interferencias. Volumen 419 de Beihefte Zur Zeitschrift Für Romanische Philologie Series. Editor: Walter de Gruyter GmbH & Co KG, 2017. Fernando Venâncio Lusismos e galeguismos em espanhol. Uma revisão dos dados Fernando Venâncio.

Castellano Categoría:Lexicolochía d'o castellano