Las conchuncions comparativas en aragonés son conchuncions de subordinación que se fan servir en las proposicions subordinadas comparativas.
Se troba locucions conchuntivas como si / como si, tal cual, tal como, igual como, Miguel Ánchel Barcos, El Aragonés Ansotano: estudio lingüístico de Ansó y Fago; Gara d'Edizions. Zaragoza, 2007, p 217. etcetera, y la conchunción que anunciada por un correlativo (menos...que, mas...que, igual...que).
Adverbios correlativos anunciando las conchuncions en subordinadas d'igualdat u desigualdat Expresan diferiencias u igualdat. Van seguidas d'un verbo indicativo.
Mas...que / mes...que. Pleveba mas que no podeba.
Con lo verbo estimar-se indica comparación y preferencia y equivale a lo francés plutôt. M'estimo mas escarmenar que filar. BLAS GABARDA, Fernando y ROMANOS HERNANDO, Fernando, Diccionario Aragonés: Chistabín-Castellano; Gara d'Edizions. Zaragoza, 2008. ISBN978-84-8094-061-0, p 328, p 363.
Menos...que. Charra menos cosas que no piensa.
Tantos como / tants coma. Te'n donaré tants coma'n quergues.
Tant(o) que, Tant(o)s...que Ixes autos chiquirrins gastan tanto que es grans. (gastan) Te'n donaré tants qu'en quergues. Pllòu tanto que puede.
Igual...que. Igual es hombres que las mullers.
Tal cual Se fa servir en subordinadas d'equivalencia y presenta una precisión mes gran que la conchunción como. Tal cual m'es vas deixar, te'ls torno. Ángel Ballarín Cornel: Diccionario del Benasqués. Institución Fernando el Católico, Zaragoza, segunda edición 1978. pp 326-327, pp 480-481.
Tal como / tal coma Se fa servir en subordinadas d'equivalencia y presenta una precisión mes gran que la conchunción como. Tal coma te digo, va pasar.
Igual como Se fa servir pa indicar dos feitos que se producen d'una traza analoga. Yo lo foi igual como tu lo fas.
Como si / como si La locución conchuntiva coma si se fa servir en las equivalencias hipoteticas: Me'n acordo coma si fuese hue. José Antonio Saura Rami: Elementos de fonética y morfosintaxis benasquesas, Zaragoza, Gara d'Edizions-Institución Fernando el Católico (2003). p 206, p 286-287, p 290.
Referencias
Bibliografía Miguel Ánchel Barcos, El Aragonés Ansotano: estudio lingüístico de Ansó y Fago; Gara d'Edizions. Zaragoza, 2007 BLAS GABARDA, Fernando y ROMANOS HERNANDO, Fernando, Diccionario Aragonés: Chistabín-Castellano; Gara d'Edizions. Zaragoza, 2008. ISBN978-84-8094-061-0 Ballarín Cornel, A: Diccionario del Benasqués, Institución Fernando el Católico, Zaragoza, 2ª ed (1978). José Antonio Saura Rami: Elementos de fonética y morfosintaxis benasquesas. Gara d'Edizions, Institución Fernando el Católico, 2003.
Comparativas Aragones