Lo sufixo -endo ye un sufixo derivau de lo participio de futuro pasivo latín de las conchugacions segunda y tercera David A. Pharies: Diccionario Etimológico de Los Sufijos Españoles: Y de Otros Elementos Finales. Volumen 25 de Biblioteca románica hispánica. Editorial Gredos, S.A., 2002. p 207-208. y que se fa servir en aragonés pa creyar adchectivos y substantivos que en la suya mes gran part son cultismos y semicultismos.
La variant -iendo corresponde a los verbos de la tercera conchugación que terminan en -io y a verbos de la cuarta conchugación.
Los substantivos con este sufixo en realidat presentan la forma -enda, que se remonta a lo plural neutro de lo participio.
Eixemplos Berienda / brienda / brenda. Calenda / calienda, actualment pervive como calandras. Contienda. Fuero Cheneral de Navarra Vidal Mayor Vidas Semblants. Cronica de los Conquiridors. Dicienda. Enmienda / emienda. Facienda. Chabier Tomás Arias: El aragonés del Biello Sobrarbe. Instituto de Estudios Altoaragoneses. (1999). p 246. Lechenda / liyenda. Ofrenda. Punienda. Vivienda. Persiste en la Val de Vio como vivianda. Artur Quintana i Font: El Aragonés nuclear de Nerín y Sercué (Valle de Vio), Ed. Gara d'Edizions + Institución Fernando el Católico + Deputación provincial de Zaragoza; Zaragoza 2007. p 49.
Comparanza con atras luengas romances En atras luengas romances tamién se troba terminacions u sufixos cognatos. En catalán se presenta como -ena: berena, ofrena por la evolución de lo grupo -ND- ta -n-, evolución que estió común en aragonés preliterario, pero que huei se troba en palabras aisladas sobre tot en la zona oriental u en la mes gran part de los casos en benasqués, a on que se documenta ixena y brena por estar palabras patrimonials y dihendes por estar castellanismo. Lo castellano hacienda tiene lo mesmo orichen que l'aragonés facienda y lo catalán faena / feina, habendo preso diferents significaus en las respectivas luengas. Lo castellano hacienda ha estau amprau en catalán como hisenda y en aragonés como hicienda. Lo catalán occidental faena ha estau amprau en castellano tal y quiento y en aragonés como faina u fayena. Lo italianismo fachenda tiene en lo suyo orichen lo sufixo -enda. Lo latinismo francés agenda tamién lo presenta.
Referencias
Bibliografía David A. Pharies: Diccionario Etimológico de Los Sufijos Españoles: Y de Otros Elementos Finales. Volumen 25 de Biblioteca románica hispánica. Editorial Gredos, S.A., 2002. Artur Quintana i Font: El Aragonés nuclear de Nerín y Sercué (Valle de Vio), Ed. Gara d'Edizions + Institución Fernando el Católico + Diputación de Zaragoza; Zaragoza 2007. .
Categoría:Sufixos cultos en aragonés