Timphu (en tibetano: ཐིམ་ཕུག།; en dzongkha: ཐིམ་ཕུ, Thimphu) ye a capital d'o Reino de Bután y d'o distrito homonimo. En o 2015 teneba una población de 104.000 habitants con os que ye a ciudat mas poblada d'o país. Timphu tamién ye o centro economico d'o país, a on l'agricultura ye un 45% d'a suya economía.
Como curiosidaz cal destacar que ye a unica capital d'un estato independient que no tien semaforos pa regular a circulación d'os vehiclos.
Esportes Lo esporte mas popular y practicau ye lo tiro con arco, tanto en as suyas modalidaz tradicionals tamién ye practicau en las modalidaz modernas que permiten la participación en competicions internacionals, encara que en zaguerias esta aconseguindo tammién una gran popularidat lo fútbol.
El Comité Olímpico de Bután, que estió creau en noviembre de 1983, con o monarca butanés como lo suyo president tiene la suya siede en a ciudat an tamién tienen las siede atras federacions esportivas.
Tiro con arco Lo tiro con arco ye parte d'a identidat cultural d'a nación. Los torneos s'encietan con una ceremonia y las mullers acuden a presenciar los esportes con os suyos millors atuendos colorius y animan, mientres que los hombres se colocan amán de l'obchectivo pa burlarse d'os chugadors que no aconsigan encertar. Los equipos ganadors d'os torneos lo celebran con os suyos seguidores cantando y executando una serie de bailes. Las competicions se celebran en lo Estadio Changlimithang que s'imple pa la ocasión.
Instalacions esportivas La instalación esportiva que destaca per dencima de todas ye lo Estadio Changlimithang, un espacio poliesportivo de hierba con capacidat pa 25.000 espectadors y concebiu prencipalment pa competicones de tiro con arco.
Vinclos externos
Categoría:Timphu Categoría:Capitals d'Asia Categoría:Localidaz de Bután