Lo sufixo -isco deriva de lo sufixo diminutivo griego -ίσκος, -iscos a traviés de lo latín -ISCUS y se fa servir en aragonés moderno pa indicar tendencia en color. En aragonés medieval se feba servir pa indicar oríchens cheograficas, culturals, etnicas, relichiosas u socioeconomicas d'obchectos u personas, plegando a formar chentilicios.
Por estar d'orichen griego lo sufixo -isco se troba en helenismos transmesos por lo latín (basilisco). S'encomenzó a fer productivo en latín tardano pa formar etnonimos y chentilicios (GRAECISCUS, MAURISCUS). David A. Pharies: Diccionario Etimológico de Los Sufijos Españoles: Y de Otros Elementos Finales Volumen 25 de Biblioteca románica hispánica. Editorial Gredos, S.A., 2002. pp 236, 237, pp 352-353 ISBN 8424923391, 9788424923396. La evolución lochica d'acuerdo con lo sistema vocalico de lo latín vulgar y la fonetica aragonesa sería -esco, forma que de feito se troba en aragonés medieval coexistindo con -isco, y en italiano. Manimenos, en las parlas altoaragonesas actuals no se documenta que -isco.
Eixemplos d'emplego En aragonés medieval Basilisco. Berberesco, berberesca: provinient de Berbería. Se documenta en catiffa berberesca Curt J Wittlin: Los Sánchez Muñoz, herederos de Clemente VIII. Revista Teruel, nº 51, chinero-chunio de 1974. y cera berbaresca J Angel Sesma, Ángeles Líbano Zumalacárregui: Léxico comercial en Aragón (Siglo XV). Institución Fernando el Católico, 1982, p 109, p 328. Grecesco, grecesca: provinient de Grecia. En aragonés teruelano la grecesca tamién yera un chuego Javier Terrado Pablo: La lengua de Teruel a fines de la Edat Media. Instituto de Estudios Turolenses, 1991. p 89. Morisco, morisca: de cultura islamica. Ya ye documentau en la "Cronica de Sant Chuan de la Penya" (seta morisca). En lo sieglo XIV ya se feba servir como etnonimo en la val d'Ebro. Navarrisco, navarrisca: provinient de Navarra. Serranisco, serranisca: de la sierra, sobre tot de lo Sistema Iberico, que yeran conoixius como serranos.
Se puede observar que como indicador d'orichen cheografico se puede documentar en lo lexico comercial y en los inventarios de biens.
En las parlas altoaragonesas Se troba acompanyando a nombres de colors y competindo con lo sufixo -enco. Blanquisco, blanquisca Clarisco, clarisca. Grisisco, grisisca. Marronisco, marronisca. Negrisco, negrisca. Royisco, royisca.
Comparanza con atras luengas Las formas con -e se documentan bien en rumano (-esc(u), -ească), en italiano (-esco, -esca), y en occitán y catalán (-esc, -esca). A nivel de luengas indoeuropeas lo sufixo griego -ίσκος -iscos tiene equivalents en luengas chermanicas y eslavas como formador d'etnonimos y chentilicios.
Si en aragonés medieval lo sufixo -esco u -isco se feba servir pa formar etnonimos y chentilicios, este feito tiene continación en l'occitán -esc: bordesc, brosesc, galesc, marcesc, y explicaría l'orichen de lo chentilicio chipranesco de los habitants de Chiprana.
En lo francés lo sufixo -ois tamién se fa servir pa fer chentilicios y etnonimos, pero no ye tan perceptible como continación cheografica d'este caracter porque -ois ye un resultau común tanto de la evolución de lo sufixo francico -isk como de lo sufixo latín -ENSIS.
Como indicador de tendencia de color se troba en castellano pero en forma d'una variant -izco que suposa una analochía con -uzco.
Referencias
Bibliografía J Angel Sesma, Ángeles Líbano Zumalacárregui: Léxico comercial en Aragón (Siglo XV). Institución Fernando el Católico, 1982. David A. Pharies: Diccionario Etimológico de Los Sufijos Españoles: Y de Otros Elementos Finales. Volumen 25 de Biblioteca románica hispánica. Editorial Gredos, S.A., 2002 ISBN 8424923391, 9788424923396. Javier Terrado Pablo: La lengua de Teruel a fines de la Edat Media. Instituto de Estudios Turolenses, 1991.
Isco