O río Hollyford (en anglés Hollyford River, en maorí Whakatipu Kā Tuka) ye un río d'a rechión de Southland en o sud-ueste d'a Isla d'o Sud de Nueva Zelanda. Recorre 72 km a traviés de Fiordland, estando a suya fuent amán d'o túnel de Homer y a val de Gertrude a o sud d'a Sierra de Darren.
En primeras, s'endreza enta o sud-este y l'este, plegando a amanar-se dica a nomás 1 km a l'este-ueste d'a divisoria d'auguas d'a Isla d'o Sud, antis de continar enta o norte a traviés d'a val d'orichen glacial de Hollyford. Poco antis d'a suya desembocadura, o río pasa a traviés d'o laco McKerrow antis d'arribar en a badía de Martins en a costa d'a mar de Tasmania 25 km a o norte de Milford Sound.
O sendero de gran recorriu conoixiu como Hollyford Track sigue o curso d'o río. Parti d'o curso d'o río ha marcau tradicionalment a muga entre as rechions de Southland y Otago, manimenos, os mapas actuals incluyen toda a val de Hollyford en a rechión de Southland.
En chinero de 1863 Patrick Quirk Caples exploró o río, donando-le o nombre d'o suyo lugar, Hollyford, en o condau de Tipperary en Irlanda.Otago Daily Times, 2 Dec 1904, p.7 Seguntes os alcuerdos con os ngai tahu en 1998, o río fue renombrau oficialment como Hollyford River / Whakatipu Kā Tuka.
Bi ha tres seccions d'o río que son navegables con kayak:
Monkey Creek - Falls Creek: Dificultat: V+ Falls Creek - Marian Swingbridge: Dificultat: III - IV Marian Creek Run: Dificultat: IV - V
Referencias
Vinclos externos
Val de Hollyford en a pachina d'o Departmento de Conservación
Hollyford Categoría:Parque Nacional de Fiordland