O puent penchau d'a foz d'o Kawarau (en anglés Kawarau Gorge Suspension Bridge) ye un puent sobre o río Kawarau en a rechión d'Otago en a Isla d'o Sud de Nueva Zelanda. O puent ye expleitau actualment por a empresa AJ Hackett Bungy Company ta fer puenting; estando a mas iste o primer puesto d'o mundo a on se reyalizó iste esporte extremo de forma comercial. O puent fa tamién parti d'o sendero de gran recorriu conoixiu como Queenstown Trail que permite a os senderistas y ciclistas trescruzar o río. O puent ye protechíu por o Departmento de Conservación.
Localización O puent ye situau entre o prencipio d'a carretera Crown Range Road y a localidat de Gibbston en a a foz d'o Kawarau que se troba en a cuenca d'o Wakatipu. Tien una altaria de 43 metros sobre o río Kawarau.
Historia O puent fue disenyau por Harry Paisley Higginson. Fue rematau en zaguerías de 1880 y yera un punto clau d'a rota que levaba enta os chacimientos d'oro d'Otago Central. Fue reemplazau por un nuevo puent de carretera en a Carretera Estatal 6 en 1963. Ye clasificau por a Oficina de Puestos Historicos de Nueva Zelanda como un puesto historico de Categoría I.
Nombre O puent ye conoixiu por una gran variedat de nombres incluyindo Puent penchau d'a foz d'o Kawarau (en anglés Kawarau Gorge Suspension Bridge), Puent penchau d'o Kawarau (en anglés Kawarau Suspension Bridge), Puent d'o Kawarau (en anglés Kawarau bridge) y Puent de puenting d'o Kawarau (en anglés Kawarau Bungy Bridge).
Referencias
Vinclos externos
Categoría:Puents de Nueva Zelanda