Irving Knot Baxter, conoixito tamién como Irv Baxter, y naixito de Utica, (Estato de Nueva York), o 7 de mayo de 1875 y muerto en o mesmo puesto o 13 de chunio de 1957, fue un atleta estausunidense especializau en prebas de salto que aconsiguió ser campión olimpico de brinco con percha y brinco d'altaria, a mas mas de ganar tres medallas d'archent en brinco d'altaria aturau, brinco de largaria aturau y triple brinco aturau mientres os Chuegos Olimpicos de 1900 que se celebroron en París.
Yera chermano de Hugh Baxter tamién brincador de percha y cuatre vegatas consecutivas campión universitario d'Estaus Unius (1883-1886), Irving aconsiguió puestos destacaus en campeonatos estausunidenses en salto d'altaria, y feba parti de l'equipo d'Estaus Unius ta os Chuegos Olimpicos de 1900. O suyo títol de salto con percha en istos Chuegos fue ganau de forma rariza, mientres es feba a preba de salto d'altaria a organización comunicó a Daniel Horton un d'os favoritos y a Charles Dvorak, campión en 1904, que a preba cambiaba d'hora, Bascom Johnson, campión estausunidense no partecipaba por que a suya relichión no li permiteba fer-lo. Irving yera en o estadio d'atletismo fendo a preba de salto d'altaria, en a que estió o ganador, y en terminar fació a inscripción en salto con percha que se fació en o diya y horario previsto sin a participación de os grans favoritos, ganó a preba igualando o récord olimpico.
Fuera d'a suya vida atletica Baxter yera avogato y fació parte d'o Colechio d'Avogaus dende l'anyo 1901, en 1903 fue esleyito chuez por o partiu democrata y en 1921 fue nominau Comisionado del Distrito Norte de Nueva York, renunciando a o puesto en 1925 continando a suya faina en un gabiente privau. Irving Baxter en os Chuegos Olimpicos.
Referencias
Vinclos externos Irving Baxter en os Chuegos Olimpicos.
<center>
<center>
Categoría:Atletas d'Estaus Unius Categoría:Medallistas olimpicos d'Estaus Unius Categoría:Medalla d'oro en os Chuegos Olimpicos Categoría:Atletas d'Estaus Unius en os Chuegos Olimpicos de 1900 Categoría:Avogaus d'Estaus Unius Categoría:Chueces d'Estaus Unius Categoría:1876 (naixencias) Categoría:1957 (muertes)