A provincia de Kaliningrad (en ruso Калининградская область, en alemán Gebiet Kaliningrad u Nordostpreussen, "Prusia Nortoriental"), coloquialment conoixida como "a rechión de l'Ambre", ye una d'as cuaranta y siet provincias u óblasts que, chunto con as ventiuna republicas, nueu territorios, cuatre districtos autonomos y dos ciudaz federals, conforman os ueitanta y tres subchectos federals de Rusia. A suya capital ye a homonima Kaliningrad, antis mas conoixida como Königsberg, ciudat natal d'o filosofo Immanuel Kant, que tien una importancia significativa como a mayor ciudat de l'antiga Prusia y como capital de l'antigua provincia alemana de Prusia Oriental. A provincia ye ubicada en o districto Nord-ueste sin de connexión con a resta d'o país (formando un exclau), mugando a l'ueste con a mar Baltica, a o norte y este con Lituania y a o sud con Polonia.
A provincia tien una superficie de 15.100 km² y una población estimada en 2016 de 976.569 habitadors (955.281 en o censo ruso de 2002).
Vinclos externos
Pachina oficial d'a provincia de Kaliningrad
Kaliningrad