Zemgalia (en letón Zemgale, en alemán Semgallen, en lituano Žiemgala, en polaco Semigalia, en livonio Zemgāl) ye una d'as rechions culturals de Letonia en a que a vegadas tamién s'incluyen partis de Lituania. Se troba en mel meyo d'a parti meridional de Letonia.
Zemgalia ye reconoixida chunto con Selonia como una unica rechión, encara que a vegadas se puet considerar ista zaguera como una cinquena rechión independient. Tamién en o escudo de Letonia Zemgalia ye representada chunto a Curlandia (Kurzeme), debiu a las connexions historicas entre as dos rechions. Semigalia muga con otras rechions balticas historicas como Livonia (parti meridional de l'antiga Livonia sueca) a o nord-ueste, a Samogitia lituana a o sud, Curlandia a l'ueste y Letgalia a l'este, asinas como con o Golfo de Riga a o norte. A cheografía de Zemgalia ye formada mas que mas por planas y bels tozals. O río Lielupe ye o mas important d'a rechión dimpués d'o Daugava. A ciudat mas gran ye Jelgava (en alemán Mitau), l'antiga capital d'o Ducau de Curlandia y Zemgalia.
A rechión de Zemgalia ye formada por a ciudat de Jelgava y os municipios d'Auce, Baldone, Dobele, Engure, Iecava, Jaunpils, Jelgava, Ozolnieki, Rundāle, Tērvete, Tukums y Vecumnieki.
Vinclos externos Pachina oficial de turismo de Zemgalia
Semigalia