thumb|right|300px|Detalle d'una niespola. A niespolaCon as variants niaspola, niezpola, niespora, miespola y miezpola u nizpolaCon as variants mizpola y mispola (d'o latín < *mespila, femenino de < mespilu, con o mesmo significau) ye o fruito caracteristico d'as niespoleras, árbols fruitals d'a familia d'as rosacias y a tribu Maleae con fuellas y fruitos muit reconoixibles. Ye una fruita comestible y se cautiva pa consumo.
Dende o punto d'envista botanico, a niespola ye un pomo prou normal, piriforme, oblongo u elipsoide-oblongo, de bels 3–6 cm de largo por 1,5–5 cm de diametro. O fruito ye amariello u anaranchau, muit pocas vegadas arriba a estar soro u royisco. Cuan ye madura, a pulpa ye sucosa y dulce, y a pela ye glabra u una miqueta pilosa. En Europa se'n culle d'abril dica chunio.
Como tamién pasa con atras fruitas con estructura de pomo, a niespola puede tener mas d'un ruello adintro, que ye la simient. Isto pasa porque a flor de l'árbol gosa tener mas d'un ovulo en l'ovario (lo tipico ye dos) y, caso que a flor se fecunde, se desenvolica como dos endocarpios pretos la un contra l'atro en l'interior d'o fruito, que pueden tener mesmo midas diferents entre els.
Notas
Referencias
Se veiga tamién Niespolera. Eriobotrya japonica. Mespilus germanica. Codonyo. Manzana. Pera. Figo. Garimbasta
Vinclos externos
Categoría:Amygdaloideae Categoría:Fruitas Categoría:Fruitos de primavera Categoría:Fruitos de verano