Iste articlo tracta sobre a marguin d'as fuellas. Pa atros emplegos de marguin, se veiga Marguin (desambigación).. thumb|right|250px|Una fuella con marguins aserradas. En Botanica, a marguin d'una fuella u marguin foliar ye cada una d'as laderas u limites laterals d'o limbo foliar, que puede tener formas diferents.
A forma que presenta la marguin ye un caracter obchecto d'estudio que s'emplega pa clasificar taxonomicament as especies de plantas, mesmo que pasa con a morfolochía d'o limbo, a nervadura, etc.
Formas de marguins foliars As formas clasicas en a morfolochía d'as marguins son termins botanicos recurrents, que s'emplega necesariament en a descripción d'as especies vechetals.
Muitas vegadas a terminolochía asociada a la marguin foliar se trescruza con a terminolochía asociada a o limbo foliar, en tanto que son partes no deseparables d'una mesma superficie: a fuella. Ixo quiere dicir que beluns d'os termins siguients pueden trobar-se a sociaus a o limbo foliar u a la marguin, indistinctament.
Entera: a forma una linia contina, sin relieus ni alteracions vistables. Crenada: Con lobulos chicos, mas mendos y numerosos que en a lobulada. Lobulada: Con lobulos grans y vallons profundos, pocos por cada marguin. Dentada: Con dients triangulars en os que os ápex apuntan perpendiculars a lo niervo central. Denticulada: Con dients mas chicos y numerosos que en a forma dentada. Aserrada: Con dients en os quals l'ápiz apunta entazaga (cara ta o peciolo) u enta debant (cara ta l'ápex), como en os dients d'una sierra. Ondulada: Con lobulos continos, suaus, que fan recordar una onda. Sinuada: Con lobulos chicos y numerosos, pero que forman una linia sinusoidal como en a marguin ondulada. Ciliada: Con excrescencias laterals diminutas, que le confieren l'aspecto de pelos. Espinosa: Con lobulos que rematan en una excrescencia, de regular coriacia, que le da un tacto punchudo.
Se veiga tamién
Morfolochía d'a fuella. Limbo foliar. Nervadura. Peciolo. Ápex foliar.
Referencias
Categoría:Morfolochía d'a fuella Categoría:Terminolochía botanica