Cogullada

Cogullada reendreza enta ista pachina. Pa lo barrio de Zaragoza en a marguin ezquierda, se veiga Cogullada (Zaragoza). thumb|right|300px|Una cogullada común (Galerida cristata). CogulladaCon as variants cocollada y cocullada u cucullada Chesús de Mostolay: EL SOMONTANÉS Diccionario de voces y expresiones, Albama Literaria, 2022, , p.229Con as variants cuculla y cugullada, son os nombres comuns mas frecuents en Aragón que reciben os paixaros silvestres d'a familia Alaudidae, en a orden Passeriformes, con aspecto una miqueta mas robusto y o pico un poquet mas largo que as suyas parients as alodas, pero de mida mas chica que as calandras; lo mas tipicament a especie Galerida cristata, que ye común en territorio aragonés. Igual como ixas atras aus emparentadas, son paixaros tipicos de terrens ubiertos con costumbre de mover-se caminando por tierra.

A caracteristica mas notoria ye a cresta sobre a cabeza (tipica de toda la familia) formada por plumas una mica mas largas en istos paixaros, que la fan mas vistable, por o cual se les diz tamién con nombres como aloda de monyo, VIDALLER TRICAS, Rafel: Libro de As Matas y Os Animals; Dizionario aragonés d'espezies animals y bechetals, Edicions Val d'Onsera, Zaragoza, 2004. . aloda monyudaCon a variant alloda monyuda u simplament monyuda, calandra monyadaCon a variant calandria monyada u calandra currundera.

Cogullada y cocullada En buena cosa d'Aragón os nombres vernaclos d'istos paixaros pareix que son bien presents en a lengua viva, mesmo cuan a lengua habitual ye o castellano aragonés, y forman un elemento de lexico residual propio de l'idioma aragonés que ha quedau en o castellano, a modo de substrato, cuan a lengua autoctona s'ha perdiu en muitos municipios. Isto pasa tamién con os nombres de muitos atros animals, porque, como se sabe, os nombres coloquials d'animals y plantas silvestres se gosan trobar (en chunto con os oficios y as fayenas d'o campo) entre os elementos de substrato aragonés que mas y millor perduran en o castellano d'Aragón dimpués de que ixe haiga substituiu a l'idioma autoctono, a sobén fa cuantas cheneracions.

Cocullada

A forma con /k/ intervocalica, tanto en a forma «cocullada» como en a variant «cucullada», tiene una distribución mayoritariament oriental en o mapa aragonés, documentando-se (d'alcuerdo con a obra especializada de Vidaller) en municipios y nuclios de población que son encara aragonesoparlants de Sobrarbe y a parte aragonesoparlant de Ribagorza, y en atros a on que l'aragonés s'ha perdiu entre fa pocas decadas y un u dos sieglos, en a Cinca Meya, Litera, Semontano de Balbastro, y os Monegros. Tamién se documenta en municipios tan en o sud como Castelserás, en a parte teruelana d'o Baixo Aragón, y en a comarca d'o Baixo Martín.

Como excepción, «cucullada» ye una d'as dos formas documentadas por Vidaller en Echo (Chacetania), que ye bien en o nord-ueste aragonés. Isto podría estar un indicio de que as formas con /k/ intervocalica representan en realidat una conservación d'a consonant dende l'etimo latín <cuculliāta* ("con cucullio", «a que lieva un capirote») y no pas variants diatopicas.

Cogullada

A forma con /g/ intervocalica, que como l'anterior tiene dos manifestacions posibles: «cogullada» y «cugullada», y se documenta en nuclios aragonesoparlants como Echo, en a comarca de Chacetania, y en Luesia, en Cinco Villas, en a zona nortoccidental d'Aragón. Manimenos, en Salas Altas (Semontano de Balbastro) y en Monzón, «cogullada» s'ha trobau en coexistencia con a forma con /k/ «cocullada».

Con a forma mutada «cubillada» la trobamos en Alloza (comarca d'Andorra-Sierra d'Arcos) y como «cubullada» en Peralta de la Sal, en Litera. En o termino municipal de Zaragoza se documenta la forma «cucurullada», pero en a capital aragonesa existe tamién o caso millor conoixiu d'o barrio de Cogullada, o suyo nombre dimana indirectament d'iste animal.

Etimolochía

A parola «cocullada» dimana d'o latín <CUCULLIĀTA*, que significaría «a que lieva un cocullón» u «capirot» «Cogujada» en a edición en linia d'o Diccionario de la Real Academia, consultau o 27 de chulio de 2018. sobre a cabeza. A parola CUCULLIO, -ŌNIS designa un tipo de birreta en latín.

Notas

Referencias

Vinclos externos

Categoría:Alaudidae Categoría:Zoonimia