250px|thumb|right|Carro de dos ruedas provinient de Cevenas. Los galos destacoron como constructors de carros. Los romanos amproron de lo galo las palabras CARPENTUM pa dicir carro de dos ruedas, y CARRUS pa dicir carro de cuatro ruedas. En los dos casos se plegó a substituir palabras latinas: CARRUS substituyó a lo suyo cognato latín CURRUS, relacionau con lo verbo CURRERE, Carlo Tagliavini: Los orígenes de las lenguas neolatinas. Introducción a la filología romance. Fondo de Cultura Economica, 1973. igual como l'artisán dedicau a los carros de fusta deixó de dicir-se TIGNARIUS pa dicir-se CARPENTARIUS. Rafael Lapesa: Historia de la lengua española, Editorial Gredos, 2001. p 50-51. Los celtismos en latín son elementos lingüisticos orichinaus en las luengas celtas, especialmente en lo galo que se charraba tanto a lo sud de los Alpes (Galia Cisalpina), como dillá de los Alpes (Galia Transalpina), territorios que perteneixioron a l'Imperio Romano.
Muitas palabras galas que entroron en lo latín de las zonas habitadas por galos (latín galico) prenioron carta de naturalidat en latín y se cheneralizoron en amplas zonas de l'imperio a on no se charraba garra luenga celta, evolucionando dimpués d'acuerdo con las leis foneticas que conducioron a las luengas romances. De fueras de las palabras cheneralizadas en latín, la mes gran part de los celtismos son presents en las luengas galorromanicas entre los Pireneus y los Alpes. Antonio Llorente Maldonado de Guevara: Las «Palabras pirenaicas de origen prerromano», de J. Hubschmid, y su importancia para la Lingüística peninsular. Archivo de Filología Aragonesa, 8-9, pp. 127–157, 1958.
Los campos lexicos a on bi ha celtismos son propios de lo medio rural (agricultura, ganadería, caza, pesca), lo comercio y la ropa. La coexistencia diglosica entre lo celta galo y lo latín galico se reflecta en unas parellas lexicas que a on que se veye a competencia lexica entre la palabra celta y la palabra latina: CERA - BRISCA > cire - brèche ("cera" - "bresca"). VINUM - LĬGA > vin - lie ("vin" - "solada"). SPICA - GABELLA > épi - javelle ("espiga" - "gabiella"/"garba").
La palabra latina s'aplicará a un rechistro culto oficial u a un material u obchecto de cualidat, a diferencia de la palabra celta, que se restrenyirá a lo subproducto. Jean-Louis Tritter: Histoire de la langue Française. Editor: Paris, Ed. Ellipses - 1999.
Medio rural 250px|thumb|right|Cabanya feita de canyas en Camarga. CAPANNA: cabanya, capana. CARRUS: carro. KLETA: cleta.
Agricultura GABELLA: gabiella. RIKA: sulco.
Fitonimia thumb|right|250px|Aranyons, denominación aragonesa que chunto con la catalana aranyó y la occitana antiga aranhó ha permeso reconstruir la radiz gala *AGRANION, cognata de irin en bretón, yryn en cornico, eirin en galés y áirne en gaelico. AGRANION: aranyón. BRŪCO: adaptación latina de lo galo *vroicos u *vrūcos. En part de lo latín hispanico prenió la forma adchectivada *BROCCEUS u *BROCCIUS, que orichinó en romanz navarro beruezo, berozo, en riojano brozo, en castellano antigo bruezo (con diftongo redueito en brezo en castellano moderno), y en gallego breixo. Las formas aragonesa brueco, catalan bruc, occitana bruga y italiana brugo derivan dreitament de BRŪCO. *BRŪCARIA: forma derivada de l'anterior con lo sufixo -ARIA, orichinó bruyère en francés y bruguera en catalán. VERNA: alverniz.
Zoonimia y ganadería ALAUDA: aloda. MULTON: moltón. PARAVEREDUS: palafré. Deriva de lo proto-celta *uɸorēdos, adaptau dende lo galo como VERĒDUS en latín anyadindo lo prefixo griego παρά (pará). SALMO: salmón.
Suelo y medio fisico KUMBA: coma. GRAVA: grava.
Recipients y unidaz de mesura AREPENNIS: unidat de mesura de superficie. LEUKA: legua. BENNA: cesto. BASCAUDA: canasta.
Bebidas CEREVISIA: cervesa, biera. LIGA: solada.
Ropa BRACA: pantalons que levaban los galos. CAMISIA: camisa. GUNNA: vestidura de piel. Se conserva en catalán (gonella), en occitán (gona, gonela), y francés (gonne, gonele). L'aragonés medieval gonella se considera un catalanismo. Javier Terrado Pablo: La lengua de Teruel a fines de la Edat Media. Instituto de Estudios Turolenses, 1991. pp 324-325.
Productos de fusta u metal CARPENTUM: carro. En latín orichinó la forma sufixada CARPENTARIUS, conservada en castellano como carpintero y en francés como charpentier ("fustero"). CLŎCCA: campana, se conserva en l'occitán clòca y en lo francés cloche. *BERTIUM: cuna. Se remonta a lo galo *berta, cognato de lo gaelico irlandés antigo bert. Se conserva en gallego (berce), astur-leyonés (bierzu, Xosé Lluis García Arias: Contribución a la gramática histórica de la lengua asturiana y a la caracterización etimológica de su léxico. Biblioteca de Filología Series. Volumen 3 de Biblioteca de filoloxía asturiana. Editor: Universidat d'Oviedo, 1988. brizu, briezu), catalán (bres, bressol), occitán (brèç, breçòl) y francés (berceau).
Institucions y sociedat AMBACTUS: mediador. De AMBACTUS proviene AMBACTIA en latín medieval ("embaixada"), que entró en las luengas romances a traviés de l'occitán, i habendo posibilidat que l'amprase de lo gotico. VASSUS: vasallo.
Atros BRISCA: bresca.
Referencias
Bibliografía Carlo Tagliavini: Los orígenes de las lenguas neolatinas. Introducción a la filología romance. Fondo de Cultura Economica, 1973. Javier Terrado Pablo: La lengua de Teruel a fines de la Edat Media. Instituto de Estudios Turolenses, 1991. Gramática francesa. Larousse Editorial, S.A, 2000. Rafael Lapesa: Historia de las lengua española. Editorial Gredos. (1981). Antonio Llorente Maldonado de Guevara: Las «Palabras pirenaicas de origen prerromano», de J. Hubschmid, y su importancia para la Lingüística peninsular. Archivo de Filología Aragonesa, 8-9, pp. 127–157, 1958. Jean-Louis Tritter: Histoire de la langue Française. Editor: Paris, Ed. Ellipses - 1999. Peter Rickard: A History of the French Language. Editor: Routledge, 2003. ISBN 1134838778, 9781134838776. Adolphe Hatzfeld et al.: Dictionnaire général (1890-1900). Traité de la formation de la langue. Paris, Delagrave, 1890.
Latin Categoría:Lexicolochía d'o latín