Leonardo Manuel Buñuel González (Calanda, 1855-Zaragoza, 1923) estió un comerciant, indiano establito en Cuba y fotografo aficionau, pai d'o director de cine Luis Buñuel y de l'arquitecto Alfonso Buñuel.
Biografía Naixito de Calanda, an teneba un negocio de ferretería y armas, heba aconseguiu una important fortuna en Cuba y en 1898, con motiu d'o prencipio d'a Guerra hispano-estausunidense, vendió os suyos negocios y tornó a o suyo lugar natal, an se casó o 10 d'abril de 1899 con María Portolés Cerezuela, de decisiet anyos, vintiueito mas choven que él, con a cual tenió siet fillos: Luis (1900), María (1901), Alicia (1902), Concepción (1904), Leonardo (1907), Margarita (1912) y Alfonso (1915). De toz istos, destacoron:
Luis, o mas relevant cineasta espanyol, autor de 32 cintas; Leonardo, medico, pediatra y radiologo; y Alfonso, arquitecto y disenyador, que destacó como que autor de collages surrealistas.
Obra fotografica Ye autor d'una important colección de fotografias estereoscopicas , feitas entre 1900 y 1905, y d'as cuals se conservan a lo menos 43 eixemplars Fotografías en 3D del padre de Buñuel protagonizan Festival Cine Guadalajara.
Referencias
Bibliografía Alfonso de Lucas Buñuel: Leonardo Buñuel, La distancía en la mirada, Fotografias estereocopicas de Leonardo Buñuel. Colección de fotografias feitas en Calanda, Zaragoza y Barcelona circa de 1900, 2010, p. 8.
Veyer tamién Luis Buñuel. Alfonso Buñuel.
Vinclos externos Pachina sobre Leonardo Buñuel en Memoria d'as Migracions d'Aragón. Leonardo Buñuel, la distancia en la mirada, en "La Parca Feliz".
Categoría:Comerciants d'Aragón Categoría:Fotografos d'Aragón Categoría:Muertos en Zaragoza Categoría:Naixius de Calanda Categoría:1855 (naixencias) Categoría:1923 (muertes)