Iste articlo tracta sobre a orden desestimada Insectivora de mamiferos. Pa la forma d'alimentación se veiga Insectivorismo.
Os insectivoros () fuen una orden de mamiferos placentarios que s'amostró parafiletica y en consecuencia ye desusada en l'actualidat.
Proposada por Georges Cuvier en 1817, definiba uns caracters que dimpués se vido que yeran plesiomorfias (caracters primitivos) comuns pa toz os taxons de mamiferos, como os piez plantigraus y a dentición completa, en chunto con una dieta insectivora y pretendius costumbres nocturnos que pueden estar circumstancials y/u amaneixer como homoplasias de traza independient, no necesariament ligadas a antipasaus comuns.
Familias A orden incluiba las siguients familias, que se movión ta atros grupos:
Erinaceidae, os erizons, que actualment son a orden Erinaceomorpha. Soricidae (musaranyas y morganyos), Talpidae (taboneros y desmans) y Solenodontidae (os almiquís d'as Antillas), que forman a orden Soricomorpha. Tenrecidae (os ténrecs) y Chrysochloridae que son en a orden Afrosoricida. Macroscelidae (as musaranyas elefant d'Africa), que fan parte d'a orden Macroscelidea. Tupaiidae (as tupayas d'o Sud-este asiatico), que en l'actualidat forman a orden Scadentia.
Referencias
Vinclos externos
Categoría:Grupos taxonomicos obsoletos Categoría:Placentalia